«Eýrazııalyq bank» AQ-nyń 2020 jylǵy shoǵyrlandyrylǵan paıdasy Reseıdegi enshiles bankti satýdan túsken 2,1 mıllıard teńge bolatyn birjolǵy shyǵyndy eskere otyryp, 4,5 mıllıard teńgeden 6,8 mıllıard teńgege deıin ósti. Shoǵyrlandyrylǵan aktıvter 13%-ǵa 1,2 trıllıon teńgege deıin ósti. Kapıtal 10%-ǵa 109 mıllıard teńgege deıin ósti.
Bank halyqaralyq aýdıt kezinde rastalǵan qarjylyq eseptilikti jarııalady. Reseıdegi enshiles bankti satý jónindegi mámileni esepke almaǵanda, banktiń 2020 jylǵy kúndelikti qyzmet nátıjesinde alǵan paıdasy aldyńǵy jylǵy uqsas kórsetkishpen salystyrǵanda eki ese ósti.
«2020 jylǵy qarjy qorytyndylary búkil álem úshin kútpegen soqqy bolǵan pandemııa jaǵdaıynda banktiń bıznes modeliniń turaqty bolǵanyn dáleldeıdi. Aksıonerler atynan aınymas jáne bizge baǵaly senimi úshin klıentterimizge, sondaı-aq úzdik nátıje kórsetken komandaǵa alǵys aıtqym keledi. Osy bir qıyn jyly komandany nyǵaıtýǵa jáne tehnologııalyq qaıta jaraqtandyrýǵa salynǵan ınvestısııalar bizge bolashaqqa senimmen qaraýǵa múmkindik beredi!», – dedi banktiń dırektorlar keńesiniń tóraǵasy Aleksandr Mashkevıch.
«Eýrazııalyq bank» AQ tobyna bankten basqa «Eýrazııalyq joba-1» JShS jáne «Eýrazııalyq joba-2» JShS enshiles kásiporyndary kiredi. «Eýrazııalyq bank» AQ enshiles bankin satý jónindegi mámile (Máskeý q.) 2020 jyldyń 29 jeltoqsanynda iske asyryldy. «Eýrazııalyq qarjy kompanııasy» AQ banktiń bas kompanııasy bolyp tabylady jáne bank aksııalarynyń 100%-na ıe.
«Eýrazııalyq bank» AQ PR-qyzmeti