Qazgıdromet sınoptıkteri 20 mamyrǵa arnalǵan aýa raıy boljamyn jarııalady, dep habarlaıdy Egemen.kz.
«Qazaqstan terrıtorııasynyń basym bóliginde turaqsyz aýa raıy saqtalady, atmosferalyq frontaldy bólikterdiń ótýimen keı jerlerde naızaǵaımen jańbyr jaýady. Elimizdiń tek ońtústik-batysynda jaýyn-shashynsyz aýa raıy bolady. Respýblıkanyń keı jerlerinde tuman, daýyl, jeldiń kúsheıýi, burshaq jaýýy yqtımal», delingen aqparatta.
Shyǵys Qazaqstan, Jambyl, Batys Qazaqstan, Soltústik Qazaqstan oblystarynyń keı jerlerinde daýyl, jeldiń kúsheıýi 15-20 m/s jetedi, burshaq jaýýy yqtımal.
Almaty oblysynda jel ekpini 23-28 m/s jetedi, burshaq jaýady.
Túrkistan oblysynda jel 15-20 m/s, tańerteń jáne kúndiz keı jerlerde daýyl soǵady.
Pavlodar, Qostanaı oblystarynyń keı jerlerinde tuman túsip, jeldiń kúsheıýi 15-20 m/s jetedi.
Mańǵystaý oblysynda tuman túsip, túnde jeldiń kúsheıýi 15-20 m/s jetedi.
Aqmola, Atyraý, Qaraǵandy, Qyzylorda, kúndiz Aqtóbe oblysynyń keı jerlerinde jel 15-20 m/s, Qaraǵandy oblysynda ekpini 25 m/s bolady.
Soltústik Qazaqstan, Aqmola, Qaraǵandy oblystarynda túnde 2 gradýs úsik júredi.
Qyzylorda oblysynyń basym bóliginde, Atyraý oblysynyń keı jerlerinde, Almaty, Shyǵys Qazaqstan, Pavlodar oblystarynyń jekelegen aýdandarynda óte joǵary órt qaýpi bolýy múmkin.