Salanyń basym baǵyttary talqylandy

«Atameken» UKP basqarma tóraǵasynyń orynbasary Iýlııa Iаkýpbaeva jıyndy ashyp, komıtettiń 2020 jyly atqarǵan jumys esebin tanystyrdy. «О́tken jyl týrızm salasyna aýyr tıdi. Týrızm salasynyń eldiń jalpy ishki ónimine salymy aıtarlyqtaı tómendedi, sebebi týrıstik kásiporyndardyń kirisi azaıyp, sýbektilerdiń sany da qysqardy. Kásipkerlik qyzmettiń kóp túrine tyıym salyndy. Týrıstik naryq jáne Densaýlyq saqtaý mınıstrligimen birge biz qonaqúıler, shıpajaılarǵa karantınnen shyǵý algorıtmderin daıyndap, qyzyl aımaqta qalǵan óńirlerde 15 adamǵa deıin ekskýrsııalar uıymdastyrýǵa, týrıstik nysandar úshin jaǵajaılar jumysyn jandandyrýǵa múmkindik aldyq. Bıznes is-sharalary men balalar lagerlerine arnalǵan algorıtmder de naqtylandy. Barlyq sanıtarlyq talaptardy eskere otyryp, biz lagerlerdi jaqyn arada ashamyz dep úmittenemiz», dedi Iý.Iаkýpbaeva.

Sonymen qatar spıker kóshpeli týrızm salasynda atqarylǵan jumystar, «Atameken», Kazakh Tourism, Mádenıet jáne sport mınıs­trligi arasyndaǵy ishki týrıstik ónimdi damytý boıynsha úshjaqty jol kartasy jaıynda málimdedi.

Jol kartasyn iske asyrýda «Jandy sabaqtar» jobasy mańyzdy bastama bolmaq, bıyl joba el aýqymynda taratylyp, jańa oqý pánderin qamtıdy dep josparlanǵan. Iýlııa Iаkýpbaevanyń aıtýynsha, birqatar jeke mektep jobaǵa qatysýǵa ynta tanytyp otyr.

О́z kezeginde Mádenıet jáne sport vıse-mınıstri Ǵabıdýlla Ábdirahymov «Atamekenniń» Úkimettegi bıznes múddelerin usynýdaǵy tıimdi jumysyn atap ótip, mınıstrlik usynǵan keıbir jańashyldyqtar týraly aıtty.

– Týrıstik maýsym bastalar aldynda biz týrıstik qoǵamdastyqpen standarttaý jáne qyzmet sapasyn arttyrýǵa baılanysty týrıstik qyzmetterdi usyný erejelerine engizilgen ózgertýler jobasyn talqylaǵymyz keledi. Budan bólek, biz Kazakh Tourism qaýymdastyǵymen mobıldi qosymsha ázirlep jatyrmyz, onda sýbektiler tizilimi jarııalanady, mysalǵa tý­rısterden keri baılanys alý múmkindigi men gıdter týraly aqparat jarııalanady. Sonymen qatar mamyr aıynyń sońynda Túrkistanda epıdahýal turaqtalsa, týrıstik forým ótkizýdi jospar­lap otyrmyz. Sondaı-aq TicketOn servısi úlgisinde iri mýzeılerge bılet qunyn onlaın-tóleýdi engizýdi josparladyq. E-Qonaq júıesin engizýdi tezdetý de mańyzdy bolyp tur.

Jıynda komıtet múshelerine týrbıznes sýbektileri men qaýymdastyqtardan birqatar usynys jasaldy. Complete Service týrıstik kom­panııasynyń dırektory Abylhan Sársenbaev demalys oryndaryna kelýshiler sanyn arttyrýdy qamtamasyz etý úshin shıpajaılar men týroperatorlardyń ózara árekettesýiniń ma­ńyzyn atap ótti.

Qazaqstan týroperatorlar qaýymdastyǵynyń prezıdenti Inna Reı qazir memlekettik organdarǵa kóshpeli jáne kirmelik týrızminiń máselelerin sheshý qajet ekenin atap ótti.

– Qıyn kezeńde biz jumyla jumys isteı alatynymyzdy kórsettik. Búginde álem elderiniń ekonomıkasy qol rejiminde jumys istep jatyr, týrızm salasynda qazir týrısterge alǵashqy­lar­dyń biri bolyp ashylǵan elder utyp jatyr, ondaı elder qatarynda Chernogorııa jáne Maldıv araldary bar. Sondyqtan, bizge syrttan keletin týrısterge, eń bolmaǵanda uıymdastyrýshy top­tarǵa vızasyz rejimdi ashý kerek.

Iýlııa Iаkýpbaeva ýákiletti organ jáne bız­nespen birlesip, syrttan keletin týrıster úshin shekarany ashyp, VAK qaraýyna shyǵa­rýǵa múm­kindik beretin mehanızm ázirleýdi usyn­dy. «Týrıstik qoǵamdastyqqa 2020 jyly uıym­das­tyrylǵan jumysy úshin alǵys aıtamyn, atqa­rylǵan jumys nátıjesi ishki týrızmniń áleýeti zor jáne oǵan halyq tarapynan úlken qyzy­ǵýshylyq baryn kórsetti. Osy jyly da bir­lesip, tıimdi jumys isteýlerińizdi suraımyn, sonda nátıjeler odan da kóp bolady», dedi Iý. Iаkýpbaeva.