«Ashyq» qosymshasynyń jumysynda tehnıkalyq aqaýlar paıda boldy, dep habarlaıdy Egemen.kz.
Búgingi tańda Sıfrlyq damý mınıstrligi qosymshada bolǵan aqaýlardyń sebebin anyqtap jatyr.
Osy oraıda vedomstvo ókili bıznes nysandaryna erkin kirý úshin «Ashyq» qosymshasyna balama retinde «Aitu» qosymshasy usyndy. Eger tehnıkalyq jumystar saldarynan «Ashyq» qosymshasy qoljetimsiz bolsa, onda «Aitu»-dy paıdalaný múmkindigi bar.
«Birneshe apta buryn BTS kompanııasy «Ashyq» qosymshasyn «Aitu»-men ıntegrasııalaýdy usynǵan bolatyn. Biz kelistik, sebebi mýltıplatformalyq qaǵıdany ustanamyz, mysaly memlekettik qyzmetterdi bank qosymshalaryna shyǵaryp edik qoı, sol sııaqty. Nege «Aitu»? Birinshiden, BTS – memleketpen jumys istegen kompanııa. Iаǵnı olar derekterdiń qaýipsizdigin qamtamasyz etý boıynsha jaýapkershilik týraly memorandýmǵa qol qoıǵan. Ekinshiden, «Aitu» da «Ashyq» sııaqty jaı ǵana qural, onda PTR respýblıkalyq bazasyndaǵy málimetter saqtalmaıdy, tek qana qajetti aqparatty bir rettik kórsetilim úshin «tartady». «Aitu»-da «Ashyq» pılottyq tártipte jumys isteýde, resmı túrde keıinirek qosylýy kerek edi. Biraq fýnksıonaldy synaqtan ótkizetin kez kelgen sııaqty», dedi Sıfrlyq damý, ınnovasııalar jáne aeroǵarysh ónerkásibi vıse-mınıstri Áset Turysov.
«Aitu»-daǵy «Ashyq»-ty qalaı qoldaný kerek? https://i2.app.link/OrbgU0JOdgb siltemesi arqyly ótip, «Aitu» qosymshasyn júktep, «Qosymshalar» bóliminde «Ashyq» engizip, ornatasyzdar. «Aitu» qosymshasynda «Ashyq» fýnksıonaly burynǵy tártipte jumys isteıtin bolady.