Qazaqstan Respýblıkasy Parlamentiniń Senaty buqaralyq aqparat quraldarynyń ókilderi arasynda «Amanat» konkýrsynyń bastalǵanyn jarııalady, dep habarlaıdy Egemen.kz.
VII shaqyrylǵan Parlamenttiń I sessııasy ashylǵan kúnnen bastap 20 mamyrǵa deıin Senat qyzmetin jarııa etý jónindegi avtorlyq ujymdardyń da, jekelegen avtorlardyń da BAQ-ta jarııalanǵan materıaldary konkýrsqa qatysýǵa jiberiledi.
«Sizderdi konkýrsqa qatysýǵa jáne óz jumystaryńyzdy jiberýge shaqyramyz. Konkýrs qaǵıdasynyń tolyq mátini jáne ótinishke qajetti blanki Senattyń resmı saıtyndaǵy «BAQ-qa arnalǵan» bóliminde ornalastyryldy. Materıaldardy qabyldaý 10 maýsymda aıaqtalady. Konkýrs qorytyndysy QR Buqaralyq aqparat quraldary qyzmetkerleriniń kúnine oraı shyǵarylyp, laýreattar jarııalanady. Materıaldardy Senattyń baspasóz qyzmetiniń Senat_Press@parlam.kz elektrondyq poshtasyna jiberý qajet. Anyqtama telefondary: 74-72-39, 74-72-40», delingen habarlamada.