Júıeli medısınalyq kómek jalǵasady

Astana halqynyń densaýlyǵyn saqtaý maqsatynda bólingen qara­jat­tyń 9,2 mlrd teńgesi tegin kepil­dendirilgen medısınalyq kómekke (TMKKK), al 8 mlrd teńgesi min­detti áleýmettik medısınalyq saq­tandyrý (MÁMS) paketindegi medı­sınalyq qyzmetterge arnalǵan. Qor 1 sáýirdegi jaǵdaı boıynsha Nur-Sul­tan qalasynda 108 medısınalyq qyz­met kórsetýshimen shart jasady, onyń 71-i – jekemenshik klını­kalar. Elordadaǵy jekemenshik me­dısınalyq qyzmet jetkizýshiler úlesi – 66%. Jyl ótken saıyn halyqqa medısınalyq qyzmet kórsetetin jekemenshik qyzmet kórsetýshiler úlesi artýda. Bul pasıenttiń úzdik klı­nıkany tańdaýyna múmkindik beredi. Medısınalyq qyzmet kórse­týshiler tizimin qordyń fms.kz saıtynan qaraýǵa bolady,  dedi N.Qab­dyqaparov.

2021 jyly qor ambýlatorııalyq-emhanalyq deńgeıdegi medısınalyq qyzmetterdiń qoljetimdiligin keńeı­­tip, stasıonardy almastyra­tyn kó­mekti, kúndizgi stasıonar qyzmetin, qa­shyqtan kórsetiletin medısınalyq kómekti, profılaktıkalyq tekserý­lerdi, bala densaýlyǵyn qorǵaý, mektep medısınasy jáne onkogematologııa boıynsha qarjylandyrý kólemin kóbeıtedi.

Qor tarapynan balalar densaý­lyǵyn saqtaýǵa da erekshe kóńil bó­li­nedi. Atap aıtqanda, «Ańsaǵan sábı» baǵdarlamasyn iske asyrý úshin EKU-ǵa kvota sanyn kóbeıtýge jáne erekshe qajettilikteri bar balalarǵa arnalǵan «Qamqorlyq» medısınalyq ońaltý ortalyǵyna qomaqty qarjy bólinedi. Sondaı-aq maqsatty top­taǵy pasıentterdi dári-dármekpen qamtamasyz etý nazarda bolady. 1 mamyrdaǵy jaǵdaı boıynsha jyl basynan beri Nur-Sultan qalasynda 3,35 mlrd teńge somasyna 282 059 resept boıynsha 116 060 pasıent tegin dári-dármekpen qamtamasyz etildi. Onyń ishinde TMKKK sheńberinde 2,7 mlrd teńge, MÁMS 0,65 mlrd teńge qarastyryldy, dedi spıker.

Sonymen qatar bas qalada osy jyl­dyń birinshi toqsanynda koronavırýs ınfeksııasymen kúres aıasyndaǵy is-sharalardy qar­jy­landyrý 5,2 mlrd teńgeni qu­rady. Onyń ishinde medısına qyzmetkerlerine ústemeaqy tóleý, karantındik jáne ınfeksııalyq stasıonarlar, PTR-dıagnostıka, mobıldi brıgadalar sııaqty qyz­metter qam­tylǵan.

Qazirgi ýaqytta elordada turǵyn­dardyń 83,4%-y MÁMS júıesinde saqtandyrylǵan. MÁMS júıesi en­gi­zilgennen bergi aralyqta saqtan­dyrylǵan turǵyndar sany 75 034 adamǵa kóbeıdi. 2020 jyldyń qańtar aıynda 922 893 adam bolsa, 2021 jyldyń 1 mamyryndaǵy kórsetkish – 997 927 adam. Áli 198 myńnan asa qala turǵyny MÁMS júıesinen tys qa­lyp otyr.