Elbasy jáne Eýrazııa ýnıversıteti

Búgin 25 jyldyq mereıli beleske kóterilgen L.N.Gýmılev atyndaǵy Eýrazııa ulttyq ýnıversıtetiniń shırek ǵasyrlyq shejiresin osy oqý ornynyń ár jyldardaǵy rektorlary A.Qusaıynov (1996-2000), M.Joldasbekov (2000-2004), S.Ábdimanapov (2004-2008), B.Ábdiraıym (2008-2011), E.Sydyqov (2011 jyldan beri) taldap-tarazylaıdy.

 

Ýnıversıtet irgetasy

L.N.Gýmılev atyndaǵy Eýra­zııa ult­tyq ýnıversıtetiniń dú­nıe­­ge kelýine sebepshi – halyq­tyń ar­many, Elbasynyń kóre­gen­digi, zııa­ly­lardyń nıeti. Selı­n­o­­grad pe­da­gogıkalyq ınstıtý­ty men Se­lıno­grad qurylys ın­je­­ner­leri ınstıtýty basynda Aq­­mola aımaqtyq ýnıversıteti bo­lyp birikti. Bizge birneshe sala­lyq tehnıkým men ýchılıshe de qo­­syl­dy. Osy oqý ornyna Eýrazııa már­­tebesi berilgende, ujym bolyp qýandyq. Alǵashqy kúnnen bola­­shaq jańa astanadaǵy jetek­shi ýnı­­ver­sıtettiń bilim-ǵylym-máde­nıet baǵytyndaǵy konsepsııasyn daıar­ladyq. Ony qabylda­ǵan soń, «Eýrazııa» ǵylymı-zert­teý ınstıtýty men halyqara­lyq baǵyttaǵy mamandyqtar­dy ashtyq. Jańa mártebe alǵan oqý jyly-aq 30-dan asa ǵylym doktoryn, 40-qa jýyq ǵylym kandıdatyn qabyldappyz.

Taǵy bir qolǵa alǵan jumysy­myz – sport pen salamat­ty­lyq. KSRO jáne respýblıka chem­pıon­daryn qyzmetke aldyq. Voleı­boldan joǵary lıgada oınaıtyn qyzdardyń «Ýnıversıtet» komandasyn qurdyq. «Eýrazııa» sport keshenin jasaqtadyq. Mý­zyka fakýlteti bazasynda fı­lar­monııa, halyq horyn, fol­k­lor­lyq ansambl, úrmeli orkestr, halyq aspaptar orkestrin qur­dyq. Turaqty kórme zalyn ashtyq.

Astanany Almatydan Aq­molaǵa resmı kóshirý sharasy kezinde úlken júk Eýrazııa ýnı­ver­sıtetiniń moınyna tústi. Elorda kóshken birinshi lekte 300-deı memlekettik qyzmetkerdi qabyldap, Tuńǵysh Prezıdent qolynan arnaıy marapat aldyq.

1997 jyly 9 sáýirde Elbasy men Qyrǵyzstan prezıdenti Asqar Aqaevty qabyldadyq. Tuńǵysh Prezıdent sol kezdegi Ǵylymı keńes zaly minberinen: «Eýrazııa ýnıversıteti Qazaqstannyń Gar­var­dy bolýǵa múmkindigi bar. Siz­d­erdi jańa astananyń ǵylymy men mádenıetiniń kóshbasshysy re­tin­de kórgim keledi!» degeni de esi­mizde.

Osydan soń asa mártebeli qo­naq­tardyń ýnıversıtetimizge kelip, jastarmen kezdesýi dástúr­ge aınaldy. Tez arada laýazymdy qonaqtardy qabyldaıtyn sal­tanatty zal, arnaıy suhbat ból­mesin jasap úlgerdik. Munda Rýmynııa prezıdenti E.Kons­tantıneskýdi, Polsha prezıdenti A.Kvasnevskıdi, Belarýs prezı­denti A.Lýkashenkony, Ýkraına­nyń prezıdenti L.Kýchmany qabyldap, ujymmen kezdestirdik.

Elbasy men Úkimet tóraǵa­synyń qabyldaýynda bolyp, Eýrazııa ýnıversıtetine jańa bas korpýs salý máselesin oraıly sheshtik. Ýnıversıtet janynan professor-oqytýshylarǵa arnap páter salý máselesi de maqul­dandy.

Ǵylym salasynda 4 zamanaýı zert­hana ashtyq. Tuńǵysh ret «Eýra­zııa ǵylymı forýmyn» ót­kiz­­dik. Tarıhı tulǵalarǵa baıla­nys­­ty ǵylymı konferensııalar, tanymdyq sharalar ótkizdik. Qa­zir­­gi Sh.Shaıahmetov atyndaǵy «Til-qazyna» ortalyǵy áý basta biz­­­diń bazamyzda ashyldy. Ýnı­ver­­­­sıtet kitaphanasyn óńirlik ǵy­­ly­­­mı-ádistemelik ortalyq deń­­­geıi­­­­ne kóterdik. Tórt sala boıynsha tuń­­­ǵysh ret dıssertasııalyq keńes ashyp, ǵylymı mektepter qa­lyp­­tas­­­tyra bastadyq. Bul tizim­­di ári qa­­raı da jalǵastyra berýge bolady. Mysaly, Prezıdent Ákim­­shi­ligi, Úkimet pen Parlament jańa elor­­daǵa kóship kelgen jyldary Eýra­zııa ýnıversıteti shyn má­nin­­­de el­diń órkenıetti deńgeıin kór­­se­te­t­in tájirıbe alańyna aınaldy.

 

Amangeldi QUSAIYNOV,

tarıh ǵylymdarynyń doktory, professor

 

Jaýapty kezeńde

 

Eldiń jańa astanasyndaǵy biregeı joǵary oqý orny – L.N.Gýmılev atyndaǵy Eýra­zııa ýnıversıtetine rektor bolyp taǵaıyndalýym jańa elorda qalyptasýynyń asa jaýapty kezeńine sáıkes keldi. Rasynda, Astana ıdeıasynyń avtory Tuńǵysh Prezıdentimiz N.Á.Nazarbaev myń san jumy­syna qaramaı, osy ýnıversıtettiń odan ári damýyn jiti baqylap otyrdy. Úkimet aldyna jańa oqý-zerthana ǵımaratyn jáne zamanaýı jataqhanalar turǵyzý máselesin qoıdym. «L.N.Gýmılev atyndaǵy Eýrazııa memlekettik ýnıversıtetiniń 2001-2005 jyl­darǵa arnalǵan damý Tujy­rym­damasyn» ázirlep, jaýapty da mańyzdy jumysqa kirisip ket­tik. Fakýltetterdi irilendirip, sala-salaǵa jınaqtap, ınstıtýt dep qaıta jasaqtadyq. El men elordaǵa qajetti mamandyqtardy ashtyq. Dıplomatııa akademııasyn Eýrazııa ýnıversıtetine qostyq. Bul úderis te oqý ornynyń bede­lin kóterdi. Qazir álemniń túkpir-túkpirinde júrgen dıplomattar – bir kezdegi bizdiń úmit úkilegen shákirtterimiz.

Osy kezeńde Elbasymen birneshe ret kezdesip, Eýrazııa ýnıversıtetin damytý týraly keńes aldym. Ýnıversıtetke ulttyq mártebe berilýi – Nur­sultan Ábishulynyń elorda jo­ǵary mektebine degen aıryqsha qam­qorlyǵy. Astana turǵyzylyp jat­qan shaqta Elbasy sharshaý degen­di bilmedi, kúni-túni osy qala­nyń ár irgetasy, ár kirpishi, ár ǵı­maraty týraly oılady desem, artyq aıtqandyq emes. Bas qala­nyń bas josparyn talqylaıtyn jıyn aı saıyn ótip jatatyn.

Tuńǵysh Prezıdent dástúrli ǵylym men bilimdi damytýmen birge jastardy shynaıy azamattyq pen otanshyldyqqa tárbıeleý, ult dástúri men adam­zattyq qundylyqtardy qurmet­teý, jańa baǵyttardy ıgerý syndy qadaý-qadaý tapsyrma berdi.

Búginde Nazarbaev ýnıver­sıteti bilim-ǵylym salasynda qandaı jetekshi ról atqarsa, 2000 jyldardyń basynda Eýrazııa ult­tyq ýnıversıteti sondaı kósh­basshy qyzmetke ıe boldy. Osynyń barlyǵy álemdik deńgeıdegi ǵylym men bilim keńistigine shyǵýǵa qabiletti Qazaqstan jastaryn daıar­laý týraly N.Á.Nazarbaevtyń jospar-jobasy boıynsha oryndaldy. Ol kisi árkez: «Eýrazııa ýnıversıtetin álemdegi básekege qabiletti oqý ornyna aınaldyrý qajet. Jastar boıynda senim, ójettilik, tabandylyq qasıetti qalyptastyryńdar. TMD men Ortalyq Azııa ǵana emes, Eýrazııa keńistigi kóleminde aldyńǵy qatarly oqý ornyna aınalýdy temirqazyq etip alyńdar!» dep, bizdi jigerlendiretin.

2001 jyly Máskeý memle­ket­tik ýnıversıtetiniń fılıalyn ashyp, Ispanııa, Japonııa, Koreıa, Túr­kııa, Belarýs, Gollandııa, Ger­ma­nııa, Fransııa, Danııa jetek­­shi ýnı­versıtetterimen ty­­ǵyz baı­la­nys ornattyq. Tany­mal ǵylym dok­torlaryn shaqy­ryp, jańa ǵy­lymı mektepter qalyp­tastyrdyq.

Ǵylym baǵytynda da aıanyp qalmadyq. «Ejelgi túrki órkenıeti: jazý eskertkishteri» atty halyqaralyq ǵylymı forým ótkizip, álem túrkolog­ta­ryn jınadyq. Elbasynyń qoldaýy­men Qazaq eli astanasynyń qaq tórine – Eýrazııa ýnıversıtetinde kóne túrki qolbasshysy Kúltegin eskertkishiniń ǵylymı kóshirmesin ornattyq. Eskertkishtiń ashylýy el Táýelsizdiginiń jarqyn belesi retinde atalynyp ótti.

Nursultan Ábishulynyń ar­qasynda Eýrazııa ulttyq ýnıver­sıtetinde TMD elderiniń birneshe halyqaralyq saıası forýmy ótti. Saıası jıyndar men basqosýlardy eseptemegende, 2000-2004 jyldary Elbasy ýnıversıtetimizge arnaıy tórt ret kelipti. Birtýar kemeńger tulǵanyń árbir kelýi – ujym men stýdent-jastar úshin aıtýly mereke, zor qýanysh boldy.

 

Myrzataı JOLDASBEKOV,

Memleket jáne qoǵam qaıratkeri

 

 

Aıryqsha qamqorlyq

Eýrazııa ulttyq ýnıversıteti jańa astananyń bilim-ǵylym áleýetine negiz bolý úshin ashyldy. Taǵdyrymnyń eń bir tamasha kezeńi osy oqý ornymen baıla­nys­­­ty. Munda tórt jyl birinshi pro­rek­tor, tórt jyl rektor boldym.

Sala basshylyǵy meniń aldyma oqý orny qurylymdyq bólimsheler men bilim úderisin aqparattandyrý, bilim alýshylar sapasyn arttyrý, halyqaralyq yqpaldastyqty damytý, Eýrazııa keńis­tigi ýnıversıtetterimen ty­ǵyz baılanys ornatý min­detin júktedi. Osynyń bári Elbasy­nyń sol kezdegi bilim-ǵylym sala­­syndaǵy konseptýaldy tap­syr­malaryna sáıkes keldi. Maman­dardy sapaly daıarlaýdy qam­tamasyz etý úshin ýnıversıtettiń oqý-zerthanalyq bazasyn jańar­tý­ǵa, jańa oqýlyqtar men oqý q­u­raldaryn satyp alýǵa, ınno­va­sııalyq ǵylymı jobalardy iske asyrýǵa qomaqty qarjy bólindi. Biz sát saıyn Elbasynyń qamqorlyǵyn sezinip otyrdyq.

2000-jyldardyń basynda stýdentter jataqhanasy jetispedi. Shaqyrylǵan professorlardyń áleýmettik máselesin sheshý min­deti turdy. Sondyqtan shuǵyl túr­de professorlarǵa arnap tur­ǵyn úı keshenin saldyq. Qysqa mer­zimde M.Jumabaev kóshesi boıy­nan «Stýdentter úıin» tur­ǵyzyp, paıdalanýǵa berdik.

Elbasynyń jańa astanany tur­ǵyzý boıynsha batyl sheshim­derin qoldap, biz de aldymyzǵa ambısııalyq mindetter qoıdyq. Qazaqstan men búkil TMD-da alǵash ret «Elıtalyq ýnıversıtettik bilim berý tujyrymdamasyn (2005-2015 jyldar)», «2006-2010 jyldarǵa arnalǵan L.N.Gý­mılev atyndaǵy Eýrazııa ulttyq ýnı­versıtetin damytýdyń ke­shendi baǵdarlamasy» syndy qomaqty qujattardy qabyldap, eleýli jumystardy atqardyq.

Qaı bastamada bolsyn, qaı eldik-aǵartýshylyq iste bolsyn súıenerimiz de, qoldaýshymyz da Tuńǵysh Prezıdent edi.

2005-2007 jyldary shetel­dik tanymal áriptes-ýnıversı­tetterdi tarta otyryp, elimizde alǵash ret zamanaýı magıstrler men PhD doktorlaryn daıarlaýdyń ınnovasııalyq baǵdarlamasyn júzege asyrdyq.

Ýnıversıtettiń alǵashqy 10 jyldyq mereıtoıyn – otandyq jo­ǵary mekteptiń jańashyl belesi retin­de atap ótý bizdiń tusymyzda ótkeni de – tarıhı jáne taǵylymdy oqıǵa boldy. Bul eldik sharanyń bıik deńgeıde atqarylýyn Nursul­tan Ábishuly ózi tikeleı baqylaýyna aldy. 

2006 jyly 26 mamyrda El­basy Eýrazııa ulttyq ýnıver­sı­te­tiniń jańa oqý-zerthanalyq ǵımaratynda Qazaqstan jas­taryna arnap «Innovasııalar men oqý-bilimdi jetildirý arqy­ly – bilim ekonomıkasyna» atty tarıhı dáris oqydy. Ult kósh­bas­shysy Eýrazııa ult­tyq ýnı­ver­sıtetin «otandyq jo­ǵa­ry bilim flagmandarynyń biri» dep ba­ǵa­laı otyryp, jastarǵa bylaı de­­gen edi: «Árqaısylaryńnyń ja­­na­ryń­­nan jańany bilýge, jasam­paz­­­dyq­qa degen qumar­lyqty, damý­ǵa de­­gen jaýapker­shilikti moıyn­ǵa alý­­­­­dy kórgim keledi. Qazaq­stan­nyń bá­­­­se­­­k­ege qabilettiligi materıal­dyq baıý­­­­ǵa ǵana emes, ulttyń rýha­nı ba­­ıýy­­­­na jetkizýi tıis ekenin túsin­­seń­­­der deı­min. Bilim salasy – ult­tyq qa­ýip­­­siz­digimizdiń quramdas bir bóligi».

Biz tarıhı sátterdi «Eýrazııa ýnıversıteti jáne Eýrazııa álemi», «Prezıdent Nursultan Nazarbaev jáne L.N.Gýmılev atyndaǵy Eýra­zııa ulttyq ýnıversıteti» at­ty ki­tap­tarda hattap kórsettik.

 

Sársenǵalı ÁBDIMANAPOV,

pedagogıka ǵylymdarynyń doktory, matematıka professory

 

Memleketshildik jolmen

2008 jyly Elbasy bizdi, ulttyq jeti ýnıversıtettiń rektoryn arnaıy ókimmen taǵa­ıyn­daǵan saltanatta: «Álem­dik qatal básekelestikte jastardy jańa­shyldyqqa jumyldyryp, ǵalym­dardan sapaly qyzmet pen dáristi talap etińder. Ulttyq degen atqa laıyq bolyńdar!» degen edi. 

Tapsyrylǵan memleketshil jumystardy ujymmen birle­sip atqaryp shyqtyq. Ǵylymı ke­ńes­te bilikti ǵalymdardyń ba­syn qosyp, aqyldasa otyryp, jos­parjoba qabyldadyq. Munyń bári bilim men ǵylym salasyn jańa sapaǵa jetkizýge, bilim jáne oqý-ádistemelik baǵdarlamalar men ishki qurlymdardy álemdik ozyq tájirıbelerge saı júıeleýge baǵyttalatyn.

Birinshi kezekte zaman sura­nysyna oraı jańa fakýltetter men kafedralar, ǵylymı zertteý ınstıtýttaryn ashýdy, bilim berý men ǵylymı zertteý jumystaryn zamanaýı arnaǵa túsirýdi qolǵa aldyq.

Bas ǵımarattyń akt zalyna «Tuńǵysh Prezıdent aýdıtorııasy» degen ataý berip, álem­ge tanymal qoǵam qaıratker­leri men ǵalymdardy, mádenıet tulǵalaryn, Nobel syılyǵy laýreattaryn shaqyryp, júzdegen mańyzdy basqosýlar, jıyndar ótkizdik.

Oqý orny sapalanyp, ja­ńarýy úshin oqytýshy-ǵalym­dar­dy damyǵan elderdiń ýnıver­sı­tet­terine, ǵylymı ortalyq­taryna issaparǵa, taǵylymdamaǵa jiberdik. Álem Qazaq elin, onyń mádenı-rýhanı murasyn tanysyn dep, shetelderde «Abaı or­ta­lyǵyn» ashtyq. Qazaq tilin­­degi oqýlyqtardyń sanyn art­tyrý úshin baıqaý uıym­das­ty­­ryp, avtorlaryna arnaıy qalamaqy belgiledik. Sapalan­dyrý jumysyn ýnıversıtet kitaphanasynan bastap, qajetti eńbekterdi Eýropa elderinen al­dyrt­tyq. Mamandardy sapa­lan­­dyrýdyń baıqaýyn ótki­zip, ja­laqyny kóbeıttik. Ynta­lan­dyrý maq­satynda álemdik ımpakt-fak­torly jýrnaldarǵa maqa­la jarııa­laǵan ǵalymdarǵa syı­aqy tóleý tájirıbesin engiz­dik. Ǵalym­dary­myzdyń eńbegi tuńǵysh ret Mem­lekettik syılyq­pen marapattaldy.

Qazaqstan men Ortalyq Azııada birinshi bolyp álemdik Times Higher Education – QS World University Rankings báse­kesinde top bastadyq.

Iri kompanııa basshylarymen memorandýmǵa qol qoıyp, qajetti mamandardy tańdap alýyna múmkindik týǵyzdyq. Materıaldyq-tehnıkalyq bazany nyǵaıýǵa erekshe kóńil bólip, «Altyn belgi» atty Stýdentter úıin, 9 qabatty turǵyn úıdi paı­dalanýǵa berdik.

Elbasyn Eýrazııa ýnıver­sıtetimen baılanystyratyn tarıhı oqıǵa – 2009 jyly 10 naýryzda elordada biz uıymdastyrǵan Ýnıversıtetterdiń Eýrazııalyq assosıasııasynyń HI sezi. TMD men álemge bedeldi uıym forýmynyń  Qazaqstanda tuńǵysh ret ótýi el abyroıyn kóterdi. Oǵan 200-ge jýyq rektor qatysty. Sol joly Nursultan Ábishuly: «Yqpaldastyqty tek saıasatkerlerge ǵana senip tapsyrýǵa bolmaıdy. Qazirgi mańyzdy is – eýrazııalyq yqpaldastyqtyń mádenı-gýmanıtarlyq ólshemi. Bizdiń mindetimiz – baı ıntel­lektýaldyq murany damytý jáne jınaqtalǵan bilimdi barlyq aı­maqtyń jemisti órkendeýine paıdalaný», degen edi.

Tuńǵysh Prezıdenttiń arnaıy ýnıversıtetke kelýi, álem rektorlarymen erkin suhbattasýy, Eýrazııa óńirin tolǵandyrǵan prob­lemalardy ortaǵa salýy – sheteldik áriptesterimizdiń kóz aldynda Qazaqstan kóshbas­shy­synyń ǵana emes, eldiń abyroıyn kóterdi.

 

Baqytjan ÁBDIRAIYM,

zań ǵylymdarynyń doktory, professor

 

Intellektýaldyq beles

Elbasy Eýrazııa ulttyq ýnıversıtetiniń negizin qalaı otyryp, astanany Aqmolaǵa aýystyrǵan kezdegi oıy – jastar kelesheginiń qamy, óńirlerdiń tepe-teńdikte damýyna qamqor­lyq desek qatelespeımiz.

Bola­shaq elorda bilimdi, aqyldy, zııa­ly qala bolýy kerek, osy­nyń bári aıryqsha mıssııaly ýnı­versıtettiń tóńiregine toptasqany jón degen Elbasy ıdeıasy aınymaı júzege asty. Nursultan Ábishuly «Eýrazııa júreginde» atty kitabynda L.N.Gýmılev ýnı­ver­sıtetin: «Astananyń joǵa­ry bilim júıesinde taǵy bir mańyz­dy qadam jasaldy. Bilim ǵana dú­nıe­niń qozǵaýshy kúshi bola almaq» dep sıpattaýynyń máni osynda.

Elbasy jańa eýrazııashyl­dyqtyń jolyn ǵylymı-praktı­kalyq turǵydan óristetýde saıasat pen bilimge qatar ıek artty. Sonyń nátıjesinde keshegi Astana, búgingi Nur-Sultan qalasy da, Eýrazııa ýnıversıteti de ulan-ǵaıyr keńistiktiń, túrli memleketter toǵysynyń ortasynda óńirlik turaqtylyq pen gýmanıtarlyq úılesimdiliktiń arqaýy bola bildi.

Búginde oqý ornynyń áleýetin UǴA akademıkteri, Memleket­tik syı­lyqtyń, «Dostastyq jul­dyzy» syılyǵynyń laýreat­tary bastaǵan tájirıbeli professor-oqytýshylary qu­raı­dy. Kelisim­shart negizinde Ita­lııa, Ispanııa, Iran, Ońtústik Koreıa, Túrkııa, AQSh, Japonııa t.b. el­­derdiń professorlary dáris oqı­­dy. Ispandyq Laboratorio de Inter­­net joǵary baǵalaǵan ýnıver­sı­tet ǵy­ly­mı kitaphanasy 1,6 mln-nan astam kitap qory bar Orta­lyq Azııa­daǵy jetekshi mádenı ortalyq.

Shırek ǵasyrdaǵy bilim men ǵylym, maman daıarlaý men qyzmet kórsetý salasyndaǵy jetistigimiz 2012 jyly Prezıdenttiń «Altyn sapa» syılyǵymen, TMD-nyń «Úzdik qyzmet» syılyǵymen marapattaldy.

Búginde biz – QS Top 50 Under reı­tıngine engen Qazaqstan men TMD-daǵy jalǵyz joǵary oqý orny­myz. Al áıgili QS World Uni­versity Ranking  reıtınginde álemniń úzdik ýnıversıtetteri arasynda top-300 qataryndamyz. Joǵary oqý oryndary vebsaıt­tarynyń álemdik «Webometrics» reıtınginde de Qazaqstan boıynsha aldyńǵy oryndamyz. Academic University Ranking Performance Eýrazııa ýnıversıtetin Ortalyq Azııadaǵy jetekshi oqý orny qataryna qosty.

Eýrazııa ulttyq ýnıversıteti – eldiń de, elordanyń da ıntel­lek­týal­dyq ortalyǵy. Nur-Sul­tan qalasynda ót­ken iri fo­rým­dar, eldik konfe­ren­sııa­­lar­dyń ǵy­lymı-konsep­týal­­­dyq jumys­ta­ryn bizdiń ǵa­lym­­dary­­myz at­qa­rdy. El tarıhyn­da altyn árip­pen jazylǵan EKSPO-2017 halyq­aralyq kór­me­si­niń ǵylymı-máde­nı-bilimı dáne­ker­lik sharalary­nyń jýan orta­synda Eýrazııa ýnı­versıteti júrdi. Elbasy ıdeıasymen dúnıege kelgen «Rýhanı jańǵyrý» baǵ­darlamasyn, el tarıhyn júıe­leý men Abaı mereıtoıy sharalaryn júzege asyrýdyń ǵylymı  josparyna belsene atsalystyq. Elbasy: «Eýrazııa ýnıver­sıteti jaǵdaıyn árqashan surap-bilip otyramyn. Zertteý ýnıversıteti bolamyn degen ta­lap­taryńdy tolyq qoldaımyn. Inno­vasııasyz eshteńe joq!» dep, izgi tilegin jet­kizgen-di. Memleket basshysynyń mundaı sózderi bizdi, árıne, jigerlendire tústi. Ýnı­versıtettiń 2021-2025 jyl­darǵa arnalǵan damý stra­tegııasynda ınnovasııa, sıfr­landyrý, halyqaralyq ıntegra­sııa, áleýmettik seriktestik, bız­nes­pen, kásiporyndarmen nátı­jeli dıalog máselesin kún tártibi­ne qoıdyq. Tehnologııalar kommer­sıa­lızasııasy men transfer­ti de, ınnovasııalyq ekojúıe, halyq­aralyq básekege qabilettilikti jetildirý de umytylmady.

 

Erlan SYDYQOV,

UǴA akademıgi