Almaty oblysy Besaǵash kentinde jasóspirim qudyqqa qulap ketti, dep habarlaıdy Egemen.kz.
Oqıǵa týraly aqparat áleýmettik jelide paıda boldy. Vıdeodan jergilikti turǵyndardyń ashyq qalǵan qudyq pen joldarǵa shaǵymdanǵanyn estýge bolady.
«Besaǵash kentinde bala ashyq turǵan qudyqqa qulap ketti. Qýanyshqa qaraı zardap shekpegen. Sondaı-aq aýylda jaqynda qubyrlar tóselgendikten joldar jóndelmegen. Kólikter jıi buzylyp qalady», delingen jazba sıpattamasynda.
Almaty oblysy ákimdiginiń baspasóz qyzmeti ashyq qalǵan qudyq Besaǵash aýyly Aımanov kóshesinde ekenin aıtty.
«Merdiger uıym jańa sý qubyrlaryn tóseý jumystary kezinde qudyq ornatqan. Merdiger uıymmen sý qubyry jelilerin tartý boıynsha jumystar aıaqtalǵan joq. Nysan áli paıdalanýǵa berilmegen. Erteń qudyqtardy jabý jumystary josparlanǵan», dedi ákimdik ókili.