Atyraý munaı óńdeý zaýytynda jumys isteıtin 700-den astam adam vaksına saldyrdy, dep habarlaıdy Egemen.kz.
«AMО́Z» JShS baspasóz qyzmetiniń aqparatyna qaraǵanda, «Spýtnık V» vaksınasyn saldyrǵandar zaýyt pen merdiger mekemeler qyzmetkerleriniń shamamen 30 paıyzyn qurap otyr. Sondaı-aq 160 qyzmetker vaksınanyń II komponentin alypty.
«Men únemi jumysta bolamyn. Kásiporynnyń ınjenerlik-tehnıkalyq quramymen, merdiger mekemelerdiń qyzmetkerlerimen tyǵyz baılanysta jumys isteımin. Sondyqtan COVID-19 ınfeksııasyna qarsy ekpe saldyrdym. Jappaı vaksınalaý ǵana qaýipti vırýstyń taralýyn toqtatady. Vaksına jaqyndarymyzdyń densaýlyǵy men óz qaýipsizdigimizge alańdamaı, qalypty jumys kestesine oralýǵa kómektesetinine senemin» , deıdi munaıdy tereń óńdeý óndirisiniń bastyǵy Abat Ábilhaıyrov.