Taraz qalasyndaǵy Q.Rysqulbekov atyndaǵy saıabaqta kópbalaly jáne jalǵyzbasty áıelderge arnalǵan «Ult bolashaǵy – analardyń qolynda» atty sheberlik saǵaty uıymdastyryldy. Oǵan óńirde turatyn birqatar áıelder qatysty, dep habarlaıdy Egemen.kz.
Atalǵan shara barysynda «Áıel – otbasynyń uıytqysy, tynyshtyqtyń shyraqshysy» taqyrybynda Jambyl oblysy isker áıelder qaýymdastyǵynyń «El anasy» keńesiniń múshesi, eńbek ardageri Kamılıash Ahmetjanova, «Bir tigin mashınasynyń tarıhy» taqyrybynda jeke kásipker, «Dana-Del» tigin sheberhanasynyń negizin qalaýshy, «Sheberlik mekeni» Jambyl oblysynyń jeńil ónerkásip kásiporyndarynyń qaýymdastyǵy» jeke kásipkerlerdiń jáne zańdy tulǵalar birlestiginiń tóraıymy, ótken jyly «Altyn sapa» syılyǵynyń «Halyq tutynatyn taýarlar shyǵaratyn úzdik kásiporyn» nomınasııasy boıynsha laýreaty atanǵan Baqytkúl Toqtybaeva, «О́z-ózińe sený – qıynshylyqtardy sheshý joly» taqyrybynda Halyqaralyq Taraz ınnovasııalyq-gýmanıtarlyq ınstıtýty Transformasııa ofısiniń basshysy, Halyqaralyq erıkson mektebiniń koýchi Saltanat Teleýova, «Otbasy oshaq qasynda óz bıznesin damytý, tabys tabý» taqyrybynda jeke kásipker, Jambyl oblysy isker áıelder qaýymdastyǵynyń jas kásipker qanatynyń jetekshisi Aıdana Ýkıeva jáne «Berekeli áıeldiń syrlary» taqyrybynda praktık-psıholog, koých, erli-zaıyptylar arasyndaǵy qatynastar jáne adamnyń ózimen qarym-qatynasy boıynsha sarapshy, kópbalaly ana Aıda Ábdiqadyrova sóz sóıledi.
О́zara áńgime barysynda kópbalaly áıelderdiń boıyndaǵy qorqynysh pen kúmándi seıiltý, olardyń ózine degen senimin qalyptastyrý, kásip ashý barysynda olardy memlekettik baǵdarlamalar arqyly qoldaý jáne bastaǵan isinde tepe-teńdikti saqtaý máseleleri qarastyryldy. Aldaǵy ýaqytta bul baǵyttaǵy sharalar jalǵasyn tabatyn bolady.