Almatyda Aqparat jáne qoǵamdyq damý mınıstrliginiń «Adaldyq alany» jobalyq keńsesi sybaılas jemqorlyqqa qarsy is-qımyl salasyndaǵy qyzmetti júzege asyratyn úkimettik emes uıymdardyń kóshbasshylarymen kezdesý ótkizdi, dep habarlaıdy Egemen.kz.
Is - sharaǵa QR Aqparat jáne qoǵamdyq damý mınıstrligi «Adaldyq alany» jobalyq keńsesiniń basshysy - mınıstrdiń shtattan tys keńesshisi Tımýr Jumyrbaev, QR Parlamenti Májilisiniń depýtaty Vakıl Nabıev, Almaty qalalyq máslıhatynyń depýtattary, Almaty qalasy boıynsha sybaılas jemqorlyqqa qarsy is-qımyl agenttiginiń Departamenti, «Almaty-Adaldyq alany» jobalyq keńsesiniń, úkimettik emes uıymdardyń ókilderi qatysty.
Kezdesýge qatysýshylar sybaılas jemqorlyqqa qarsy mádenıetti qalyptastyrýdyń jańa tásilderin, QR Aqparat jáne qoǵamdyq damý mınıstrligi «Adaldyq alany» jobalyq keńsesiniń qyzmetine ÚEU qatysý formattaryn talqylady. Sonymen qatar, qatysýshylar atalǵan baǵytty damytýǵa arnalǵan jańa jobalar men ıdeıalar týraly oı bólisti.
Dóńgelek ústel ÚEU ókilderiniń beıresmı suhbaty men aktıkorrýpsııalyq kún tártibindegi ózekti máselelerdi talqylaý aıasynda ótti.