Balalyq shaq úshin qaýipsiz elder reıtınginde Qazaqstan 180 eldiń ishinde 50-orynǵa ıe boldy. Eldiń ındeksi 1000-nan 933-ti qurady. Indeks 1000-ǵa jaqyn bolǵan saıyn balalardy qorǵaý deńgeıi soǵurlym joǵary ekenin bildiredi, dep habarlady Egemen.kz finprom.kz saıtyna silteme jasap.
TMD elderiniń ishinde Qazaqstandy Belarýs pen Reseı basyp ozdy. Armenııa, О́zbekstan, Túrkmenstan jáne Qyrǵyzstan Qazaqstannan artta qaldy. Balalar úshin eń qolaıly elder Sıngapýr, Slovenııa boldy, al úshinshi orynda Fınlıandııa men Shvesııa tur.
Al eń qolaısyz elder – Nıgerııa, Ortalyq Afrıka Respýblıkasy jáne Chad. Indeks densaýlyq saqtaý, bilim berý jáne jalpy balalar qaýipsizdigi kórsetkishterin eskergen.
Aıta ketsek, Qazaqstanda osy jyldyń basynda 0-15 jas aralyǵyndaǵy 5,8 mln bala tirkeldi, bul ótken jylmen salystyrǵanda 2,7% artyq. Balalar men jasóspirimderdiń kóp bóligi Túrkistan oblysynda turady: 815,4 myń adam.
Balalardyń sany boıynsha TOP-3 aımaqqa Almaty oblysy men Almaty qalasy kiredi. Balalardyń eń az bóligi Soltústik Qazaqstan oblysynda turady.