Túrkistan qalasynyń ákimi Rashıd Aıýpov Twitter-de Tesla-nyń negizin qalaýshy Ilon Maskqa usynys jasady, dep habarlaıdy Egemen.kz.
Ol amerıkalyq mıllıarderge Túrkistanda Tesla zaýytyn salýdy usyndy.
«Zaýyt Qazaqstanda, Túrkistan qalasynda Baıqońyr ǵarysh aılaǵy mańynda bolýy tıis. Bizde Mendeleev kestesindegi búkil element bar. Qala Jibek joly ótetin jerde ornasaqan jáne t.b. Barlyq ınfraqurylym men arnaıy ekonomıkalyq aımaqtar bar. Túrkistan Tesla úshin qolaıly. Marsqa birge jeteıik! Qurmetpen qala ákimi Rashıd Aıýpov», dep jazdy ákim.
Buǵan deıin amerıkalyq mıllıarder Ilon Mask Qazaqstanǵa, Reseıge jáne TMD-nyń basqa elderine Tesla resmı túrde keletinin aıtqan bolatyn.