Kandıdattar arasynda báseke bolady

О́ıtkeni buryn aýyl, kent jáne aýyldyq okrýg ákim­derin aýdan máslıhaty saılaı­tyn. Al aýdandyq máslı­hat­tyń kandıdattaryn aýdan ákimi usynǵan jáne olar jer­gilikti qoǵamdastyq jınalysymen keli­silgen. Mundaǵy jańa­shyl­dyqtyń máni mynada – endi aýyl­dyq okrýg ákimderin saılaý tikeleı bolady. Iаǵnı ákimderdi máslıhat depýtattary emes, azamattar – qarapaıym halyqtyń ózi tańdaıdy.

Aýyldyq okrýgterde ákim­derdi tańdaýdyń jetildirilgen tetigi 2021 jyldyń ekinshi jartysynan bastap qoldanysqa engizilmek. Al jyl sońyna deıin 836 aýyldyq okrýg ákiminiń óki­lettik merzimi aıaqtalady. Zań bo­ıynsha, buǵan deıin 10 kún buryn ákimniń tikeleı saılaýy ótýi tıis.

Saılaý týraly zańnamaǵa engizilgen ózgeristerdiń artynda azamattardy jergilikti jer­lerdegi naqty saıasatqa tartý­dyń zor áleýeti tur. Zań­namadaǵy bul ózgeris ákim laýazymyna kandıdattar arasynda básekelestikti týdyryp, jergilikti qoǵamdastyq­tyń jumysyn jandandyrady degen senim mol. О́ıtkeni tike­leı saılaý ózin ózi usynatyn kandıdattardyń belsendiligin arttyryp qana qoımaıdy, sondaı-aq saıası partııalardy aımaqtarda tıimdi jumys isteýge yntalandyrady. Al bul belsendilik saıası partııalarǵa ózderiniń kandıdattary naqty bolýy úshin óte qajet.

Árıne, mundaı reforma­ny júzege asyrý azamattar men qoǵam belsendileriniń, son­daı-aq jergilikti memlekettik bas­qarý jáne ózin ózi basqarý or­gandary ókilderiniń saıası saýat­tylyǵy men mádenıetin arttyrýdy talap etedi. Bul, sonymen qatar el Prezıdenti Qasym-Jomart Toqaevtyń aýyl­dyq okrýgter ákimderiniń tike­leı saılaýyn engizý týraly bastamasyn iske asyrý mýltıp­lıkatıvti áser etetinin de ańǵartady.

Ermek TOQTAROV,

Qazaqstan Respýblıkasynyń Prezıdenti janyndaǵy Strategııalyq zertteýler ınstıtýtynyń jetekshi ǵylymı qyzmetkeri, PhD