DOSTYQ DÁNEKERI

IV Kaspıı munaı-gaz saýda kóliktik konferensııasy ótti Kaspıı teńizi aımaǵyndaǵy el­derdiń jalpy munaı-gaz ónim­deriniń sapasyn arttyrý, saýda-kóliktik ınfraqurylymdy, tranzıttik salany damytý, eksporttyq júıeni qalyptastyrý máselelerin qoz­ǵaıtyn mundaı basqosý osyǵan deıin úsh márte Bakýde ótipti. Bul jolǵy konferensııa Mańǵystaý oblystyq ákimdigi, Kólik jáne kommýnıkasııa, Munaı jáne gaz mınıstrlikteri, oblystyq saýda-ónerkásiptik pala­tasynyń qoldaýymen “Contidence Capital” kompanııasy uıymdastyrdy. Elimizde alǵash ótken basqosý jaıly oblys ákimi Qyrymbek Kósherbaev osynaý ıgi shara bizdiń elimizdiń joǵary reıtıngin taǵy da dáleldep, uzaq merzimdi kemel áriptestikke jol ashatyn jaǵymdy ınvestısııalyq klımattyń ornaǵandyǵynyń jemisi. Bul EQYU-ǵa tóraǵalyq etýshi táýelsiz Qazaqstannyń TMD elderi arasynda kóshbasshy orynda eken­diginiń belgisi. Bul Elbasy Nursul­tan Nazarbaevtyń júrgizip otyrǵan sarabdal saıasatynyń taǵy bir bederli kórinisi, dedi. Bul pikirdi óz kezeginde sóz alǵan sheteldik qonaq­tar – Ulybrıtanııa elshiliginiń ekin­shi hatshysy Martın Chaıld, “Contidence Capital Ltd” kompanııa­sy­nyń bas dırektory Andreı Rýdenko jáne basqalar tolyqtyra tústi. Konferensııada Kólik jáne kom­mýnıkasııa mınıstrliginiń basqarma bastyǵy T.Qońqaqov, Mańǵystaý oblysy ákiminiń birinshi orynbasary A.Aıtqulov, Azııa damý bankiniń ókili S.Vermert, Reseı, Ázirbaıjan, Túrkimenstan energetıkalyq zert­teý­ler Kembrıdj assosıasııa­sy­nyń, Transkaspıı qubyr konsor­sıýmynyń ókilderi baıandama jasap, oı-pikir bólisti. Konferensııa aıasynda Mańǵys­taý oblysyndaǵy energetıka qury­lymynyń damýy, jalpy Kaspıı óńiriniń negizgi serpindi jobalary, osy óńirden kómirsýtegi shıkizat­tarynyń eksporttalýy, Kaspıı teńiz porttarynyń rólin arttyrý máseleleri keńinen talqylandy. Jolaman BOShALAQ, AQTAÝ.