Ázerbaıjanda COVID-tólqujaty engiziledi, dep habarlaıdy Egemen.kz QazAqparatqa silteme jasap.
Bul týraly Ázerbaıjan mınıstrler kabıneti janyndaǵy Jedel shtabtyń 25 mamyrda uıymdastyrylǵan brıfıngi kezinde Ázerbaıjan Respýlıkasy prezıdentiniń kómekshisi – prezıdent Ákimshiliginiń ekonomıkalyq máseleler jáne ınnovasııalyq damý saıasaty bóliminiń meńgerýshisi Shahmar Movsýmov málim etti.
COVID-tólqujat eki sertıfıkattan turady. Birinshisi – vaksınalaý týraly sertıfıkat. Ol vaksınanyń qos dozasyn alǵandarǵa beriledi. Ekinshisi – ımmýnıtet týraly sertıfıkat. Bul sertıfıkat vırýs juqtyrǵan jáne saýyǵyp shyqqan tulǵalarǵa beriledi. Eki sertıfıkattyń da elektrondyq tekserý múmkindigi bar QR-kod bolady.
Prezıdent kómekshisi adamda osy sertıfıkattardyń biriniń bolýy oǵan sporttyq-saýyqtyrý nysandaryna barýǵa múmkindik beredi. Al COVID-tólqujaty joq adamdar ázirge bul nysandarǵa bara almaıdy. Shahmar Movsýmov sondaı-aq COVID-tólqujat bastapqyda sporttyq ortalyqtarda qoldanylatynyn atap ótti.
Alaıda bolashaqta bul qujat ıeleri basqa qyzmetter – konsertter, teatrlar, úılený toılary jáne ózge is-sharalarǵa bara alady.