Elordadaǵy Jambyl Jabaev atyndaǵy №4 mektep-gımnazııany qalanyń jergilikti turǵyndary «qazaq biliminiń qarashańyraǵy» dep ataıdy. 115 jyldyq tarıhy bar áıgili mektep-gımnazııadan osy ýaqyt aralyǵynda qanshama talapty jas úlken ómirge joldama alǵany aıan. Biraq, ókinishke qaraı, bilim ordasynyń bir ǵasyrlyq tarıhy osy kezge deıin júıelenip, bir izge túsirilip, jaryqqa shyqpaǵan eken.
Qazirgi kezde shákirtterge zamanaýı úlgide bilim berip, tárbıelep kele jatqan tarıhy tereń oqý ordasyna qatysty qyzyqty derekter kóp-aq. Mysaly, mekteptiń eń alǵashqy ǵımaraty 1907 jyly jergilikti qazaqtar men tatarlardyń qarjysyna ári sol qarapaıym turǵyndardyń óz qolymen turǵyzylǵan. Sol zamandaǵy on saýsaǵynan óneri tamǵan sheber Sabyrjan Ahmetov ǵımarat jumysy bitkenshe bel jazbaı, aqy-pulsyz eńbek etken jandardyń biri.
Sondaı-aq 1911 jyly qazirgi Nur-Sultan, sol kezdegi Aqmola qalasynda jergilikti turǵyndar jumylyp, qyz balalarǵa arnalǵan jańa mektep úıin salady. Solaısha Aqmoladaǵy tuńǵysh qazaq mektebiniń negizi qalanady. Mekteptiń eń alǵashqy kásibı muǵalimi – Orynbor qalasyndaǵy muǵalimder semınarııasyn bitirgen Ǵalymjan Qurmashev. Alǵashqy ustazdardyń qatarynda áıgili aqyn, jazýshy, qoǵam jáne memleket qaıratkeri Sáken Seıfýllınniń de esimi atalady. Ol 1912 jyly shákirtterge orys tili páninen sabaq bergen.
Mine, osyndaı qatpary qalyń tarıhy bar, bertinge deıin Selınogradtaǵy jalǵyz qazaq mektebi bolǵan Jambyl Jabaev atyndaǵy №4 mektep-gımnazııanyń ashylǵanyna keler jyly 115 jyl tolmaq. Osy oraıda mektep-gımnazııanyń ótkeninen, ıaǵnı bir ǵasyrlyq shejiresinen syr shertetin kitap jaryqqa shyqty. «О́negemen órilgen tarıh» dep atalady. Sonyń qurmetine áıgili bilim ordasynyń ardager ustazdarynyń basyn qosqan tamasha kesh uıymdastyryldy.
Ardager ustazdardan bólek mekteptiń burynǵy basshylary, qazirgi ustazdar da qatysyp, ótken shaqtan syr shertildi.Ýaqyttyń toqtaýsyz zymyrap, kóneniń kózindeı ardager ustazdar qatarynyń sırep bara jatqany mekteptiń tarıhyn hatqa túsirý týraly ıdeıany týdyrǵan. Sonymen mektep-gımnazııanyń ulaǵatty ustazy Sholpan Syzdyqovanyń usynysymen ony qarymdy qalamger, belgili jýrnalıst Jylqybaı Jaǵyparuly jazyp shyǵady. «Mekteptiń ǵasyrlarmen astasqan tarıhyn túzý jumysy taqyrdan bastaldy desek, artyq aıtqandyq bolmas.
Degenmen osy bilim oshaǵyna qatysy bar degen derekterdi respýblıkalyq, oblystyq jáne qalalyq muraǵattardan tirnekteı jıyp, ony elimizdiń aǵartý salasyn damytqan tulǵalardyń estelik eńbekterimen tolyqtyrdyq. Bul rette, ásirese, osy mektep qabyrǵasynda qanattanǵan túlekterdiń, ár kezeńde eńbek etken ardager ustazdardyń, elimizge eńbek sińirgen qoǵam jáne memleket qaıratkerleriniń arnaıy jazǵan estelikterin negizgi arqaý ettik. Búgingi mektep basshylyǵynyń kómegimen ardagerlerdi jınap aqyl qostyq. Múmkin bolǵanynsha habar taratyp, mektep shejiresi jasalatyndyǵy týraly kópshilikti qulaqtandyrdyq», dedi kitap avtory kesh barysynda.
О́mirin ustazdyqqa arnaǵan, zeınetkerlikke shyqsa da mektep isine qatysty dúnıede belsendilik tanytqan Sholpan Syzdyqova ózi sabaq bergen jyldardan estelik aıtty. «Men osy mektepke 1962 jyly muǵalimdik qyzmetke keldim. Jasym jıyrmadan jańa asqan kez. Qulshynyp eńbek ettik. Bizdiń mektep qala boıynsha 25 orys mektebiniń aldynda boldy. Bilim berý bolsyn, kórkemónerpazdar úıirmesiniń jumysy bolsyn, eshqashan aqsap kórgen emes. Kóńilimde mekteptiń sol kezdegi tarıhy saırap tur. Jazýshyǵa shamam jetkenshe materıaldar jınap berdim. Ustazdardy da, oqýshylardy da umyt qaldyrmaýǵa tyrysqanymyzben, barlyǵyn qamtý ońaı emes eken», – dedi ardager ustaz.
Mekteptegi kesh óte taǵylymdy sıpatta ótti. Ardager ustazdar jas býyn muǵalimderge jyly lebizderin bildirse, kitap avtoryna alǵystaryn aıtty. О́zderi sabaq bergen kez ben qazirgi kezdi salystyryp, kóptegen tamasha esteliktermen bólisti. Al mekteptiń kórkemónerpazdar úıirmesi qonaqtardy ónerlerimen tánti etti.