Táýelsizdiktiń 30 jyldyǵyna oraı, Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵy alańynda álemdegi eń kóp taralǵan din – hrıstıan dinine arnalǵan «Beıbitshilik pen kelisim joly» halyqaralyq fotokórmesiniń saltanatty ashylýy ótti, dep habarlaıdy Egemen.kz.
Álemdik jáne dástúrli dinderge arnalǵan taqyryptyq fotokórmeler serııasyndaǵy ekinshi fotokórme jalpy adamzatqa ortaq rýhanı qundylyqtardy dáripteýge, álemdegi túrli halyq dinderi men mádenıetterine degen toleranttylyq kózqarasty qalyptastyrýǵa baǵyttalǵan.
Is-sharanyń ashylý saltanatyna Qazaqstan Respýblıkasynyń Aqparat jáne qoǵamdyq damý vıse-mınıstri S. Egizbaev, Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵynyń Basqarma Tóraǵasy B.Sársenbaev, Qazaqstandaǵy Apostoldyq Nýnsıo Frensıs Assızı Chýllıkatt, Qazaqstan Mıtropolıttik okrýginiń shirkeý-qoǵam baılanys bólimi tóraǵa orynbasary, Ýspen kafedraldy soborynyń klıýcharıi, protoıereı D. Baıdek qatysyp, quttyqtaý sóz sóıledi.
Sondaı-aq is-sharaǵa memlekettik organdardyń, dinı birlestikterdiń, Brazılııa, Grýzııa, Indonezııa, Mońǵolııa, Oman jáne Reseı elderiniń sheteldik dıplomatııalyq mıssııalary men jetekshi respýblıkalyq buqaralyq aqparat quraldarynyń ókilderi qatysty.
Fotokórmeniń alǵysózinde N.Nazarbaev ortalyǵynyń Basqarma Tóraǵasy Bolat Sársenbaev táýelsizdik jyldarynda Qazaqstan dinder dıalogy máselesinde aıtarlyqtaı jetistikterge qol jetkizgenin aıtty.
«El aýmaǵynda tatý-tátti ómir súrip jatqan barlyq etnostardyń, túrli konfessııalar men din ókilderiniń birligi - bul eń úlken jetistik pen qundy baılyqtardyń biri», dedi spıker.
Ortalyq Basqarma Tóraǵasy B.Sársenbaev Elbasymyz N.Nazarbaevtyń biregeı dıalog alańy - Álemdik jáne dástúrli dinder lıderleriniń Sezin qurýdaǵy aıryqsha rólin, sondaı-aq Memleket basshysy Q.Toqaevtyń Qazaqstandy jahan ortalyǵy retindegi ilgeriletýdegi dáıekti saıasatyna toqtaldy. Sonymen qatar fotokórmege jınalǵan qaýymǵa Ortalyqtyń basym baǵyttary men is-sharalary, bıylǵy Sezd hatshylyǵynyń HIH otyrysy, sondaı-aq 2022 jyly ótetin Álemdik jáne dástúrli dinder lıderleri Sezine daıyndyq barysy týraly aqparat berdi.
Is-sharada Qazaqstan Respýblıkasy Aqparat jáne qoǵamdyq damý vıse-mınıstri S.Egizbaev óziniń quttyqtaý sózinde ártúrli din ókilderin bir shańyraq astyna jınaǵan Qazaqstan óziniń tutas tarıhynda ultaralyq tatýlyqty, dinaralyq tepe-teńdikti árqashan saqtap kele jatqandyǵyn atap ótti. Turaqty qoǵam qurýda óz jetistikterimizdi saqtaý óte mańyzdy, sondyqtan polıetnıkalyq, polıkonfessıonaldyq jasampazdyq pen damý faktoryna aınalýdyń mańyzy zor.
Sonymen qatar Qazaqstandaǵy Apostoldyq Nýnsıo Frensıs Assızı Chýllıkatt 29 jyl ishinde qalyptasqan Qazaqstan men Vatıkan arasyndaǵy dıplomatııalyq qatynastardyń mańyzdylyǵyn joǵary baǵalap, bul jyldar eki el úshin ózara kelisim men tereń senimdiliktiń naqty rastaýy bolǵanyn atap ótti.
Saltanatty rásimniń sońynda is-sharaǵa qatysýshylar Álemdik jáne dástúrli dinder lıderleri Sezine qatysýshylardyń, N.Nazarbaev ortalyǵynyń halyqaralyq seriktesteriniń, sonyń ishinde Pravoslavıe shirkeýi usynǵan, Nur-Sultandaǵy Rım-katolık Áýlıe Marııa arhıepıskopy, Qazaqstannyń Evangelııalyq Lıýteran shirkeýi, Máskeý Patrıarhaty Dinaralyq qatynastar shirkeýiniń syrtqy baılanysy bólimi jáne «Kazahstanskaıa pravda» respýblıkalyq gazeti usynǵan sýrettermen tanys boldy.
Esterińizge sala keteıik, «Beıbitshilik pen kelisim joly» fotokórmesi barlyq karantındik saqtyq sharalardy saqtaı otyryp, 2021 jyldyń 25 maýsymyna deıin Beıbitshilik jáne kelisim saraıynda jumys isteıdi.