QR aqparat jáne qoǵamdyq damý mınıstriniń buıryǵymen Aıjan Bolatqyzy Shaınazarova QR Aqparat jáne qoǵamdyq damý mınıstrligi apparatynyń basshysy laýazymyna taǵaıyndaldy. Bul týraly QR Premer-Mınıstriniń baspasóz qyzmeti habarlaıdy.
Aıjan Shaınazarova 1971 jyly Almaty qalasynda dúnıege kelgen. Sankt-Peterbýrg memlekettik ýnıversıtetin, QR Prezıdenti janyndaǵy Memlekettik basqarý akademııasynyń ulttyq memlekettik saıasat mektebin bitirgen, Dıýk ýnıversıtetinde taǵylymdamadan ótken.
Eńbek jolyn 1993 jyly Jambyl jeńil jáne azyq-túlik ónerkásibi ınstıtýtynyń Almaty fılıalynda aǵa laborant qyzmetinen bastady.
1994-1999 jyldary Qazaq memlekettik basqarý akademııasynda túrli laýazymdarda jumys istedi. 1999-2001 jyldary – L. N. Gýmılev atyndaǵy EUÝ aǵa oqytýshysy.
2001-2004 jyldary – QR Mádenıet, aqparat jáne qoǵamdyq kelisim mınıstrliginiń Uıymdastyrý jumysy jáne áleýmettik tehnologııalar departamentiniń taldaý jáne monıtorıng ortalyǵynyń bas mamany, basshysy.
2004 jylǵy aqpan-jeltoqsan aralyǵynda – QR aqparat mınıstrliginiń Áleýmettik tehnologııalar departamentiniń taldaý jáne monıtorıng ortalyǵynyń bastyǵy. 2004-2021 jyldary QR Prezıdenti Ákimshiliginde túrli qyzmetter atqarǵan.
2021 jyldyń aqpan aıynan bastap qazirgi tańǵa deıin Nur-Sultan qalasy Esil aýdany ákiminiń orynbasary qyzmetin atqardy.