Qańyraǵan Kammarata qaıta jandandy

Máseleniń mánisi mynada. Kammarata kentinde tur­ǵyn­dar basqa jaqqa kóship, qańy­rap qalǵan páterler kóp. Bir kez­deri dańqy tóske órlegen eldi mekendi qaıta jandandyrý úshin jergilikti bılik qala­ǵandarǵa bas­panany tegin berýge ýáde etti. О́kinishke qaraı, bul basta­ma sońyna deıin jetken joq. Birinshiden, dańǵaradaı úıdiń quny sımvolıkalyq 1 eýro eke­nin eldiń bári estidi. Sodan ke­ıin Apennın túbeginiń túk­pir-túkpirinen Kammarataǵa aǵylǵandar kóbeıdi. Úı alýǵa ótinish bildirgender qarasy kóbeıdi. Qala ákimshiligi mundaıdy kútpese kerek. Kelip túsken ótinishtiń bárin qarap shyǵýǵa ýaqyt tapshy boldy. Ári onyń bárin baqylap shyǵatyndaı qyzmetkerler de joq edi. Ekinshiden, Kammarata bı­ligi endi-endi es jıǵanda koronavırýs daǵdarysy bastaldy. Qytaıdan keıin osy Italııada vırýs órship, búkil Eýropany mazalaǵany málim. Sonyń saldarynan joba toqtap qaldy da, birde-bir baspana berilgen joq. «Halyqtyń yqylasyna rahmet, qazir ótinish óte kóp. Kam­marata – óte ǵajaıyp qala. Sı­sı­lııanyń ishki jaǵy­na sa­lynǵan terrasa sekil­di. Mun­da araldyń búkil ǵajaıy­byna kýá bolasyz. Tipti birneshe shaqyrym qashyqta jatqan Etna janartaýy da osy jerden anyq kórinedi. Munda kelgenniń bári qalaǵa ǵashyq bolady. О́kinishke qaraı, pandemııa saldarynan joba toqtap qaldy», deıdi kent ákimi Djýzeppe Mangıapan. Bir qyzyǵy, álemde pande­mııanyń sheti kórine bastaǵannan keıin Kammaratadaǵy ahýal da oń baǵytqa bet aldy. Jastar kentke kóptep kelip jatyr. Máselen, pandemııa saldarynan úlken qalalarǵa jumys izdep ketkender týǵan jerine orala bastady. Onyń ústine, qashyqtan jumys isteý tásili aýyldyq jerlerden uzamaı-aq kóptegen tirlikti bitirýge bolatynyn kórsetip berdi. Nátıjesinde, Kam­marata sekildi shaǵyn qala­lardyń ómiri qaıta qyzdy. Degenmen «tegin baspana­nyń» mynandaı erejesi bar. Úıdi satyp alǵan azamat 5 myń eýro depozıt salyp qoıýy kerek. Sondaı-aq úsh jyl ishin­de ózine buıyrǵan baspanany jańartyp, jóndeýi tıis. So­dan keıin depozıttegi 5 myń eýro qaıtarylyp beriledi. Bir aıta keterligi, Kam­ma­ratadaǵy úılerdi jóndeý quny ártúrli. Máselen, bir baspanany qalpyna keltirý úshin 60-80 myń eýro ketse, kelesisin jańartýǵa 4-5 myń eýro ǵana jumsalýy múmkin. Áıtse de jóndelgen úılerdiń quny bir­neshe ese qymbattaıtynyn da aıta ketken jón. Eski úıler ıesin tapqa­nymen, kent basshylyǵy taǵy bir máselege tap keldi. Kim qaı jerden páter alýy tıis? Árkim óziniń qalaýynsha baspanalaryn jańartsa, shaǵyn qalanyń biregeı kelbeti buzylyp ketpeı me?Basshylyqtyń basy qatyp júrgende, sheshim ońaı ta­­byl­­dy. Qaıta kelgen jastar StreetTo dep atalatyn erik­tiler uıymyn quryp, baspana alǵan­darǵa kómek qolyn sozyp júr. Máselen, Kammarata orta­ly­­ǵyn­da kósheler óte tar. Kó­­lik­­pen barý múmkin emes. Osyn­daı ereksheligin buzbas úshin StreetTo eriktileri baspana izdegender arasynda saýalnama júrgizedi. Sóıtip olarǵa ne kerek ekenin anyqtap, qaladaǵy úılerdi ótinish berýshilerdiń qalaýyna qaraı bóledi. Eriktiler men qala ákimshi­ligi osylaısha, eldi mekenniń biregeı kelbetin saqtap qalmaq. Sondaı-aq qaı jerde qandaı kásip ashýǵa bolatyny jóninde de aqyl-keńesin aıamaıdy. Qysqasy, Kammarata kenti qaıtadan qalpyna kele bas­tady.