Jahandy jaılaǵan koronavırýs indetine qarsy búginde Jambyl oblysynda birqatar jumys júrgizilýde. Oblystyq densaýlyq saqtaý basqarmasynyń málimetinshe, kúni búginge deıin óńirde qaýipti indettiń 8 936 jaǵdaıy tirkelip, pnevmonııanyń 3 839 deregi anyqtalǵan. Atalǵan indetten aımaqta qazirgi kezde 8 341 azamat saýyǵyp shyqqan bolsa, ókinishke qaraı, 85 ólim jaǵdaıy tirkeldi.
Búginde koronavırýs indetin juqtyrý boıynsha óńirde Taraz qalasy alǵa shyǵyp otyr. Málimetke sáıkes, oblys ortalyǵynda qazirgi kezeńde 4 578 adam qaýipti indetti juqtyrǵan. Sondaı-aq Baızaq aýdanynda 707, Jambylda 421, Jýalyda 301, Qordaıda 1 158, T.Rysqulov aýdanynda 236, Merkide 223, Moıynqumda 168, Sarysýda 219, Talas aýdanynda 174 jáne Shý aýdanynda 569 jaǵdaı anyqtalǵan. Sonymen qatar, áskerge shaqyrylýshylar arasynan 125 jaǵdaı men basqa oblys turǵyndary arasynan 57 jaǵdaı tirkelgen. Oblys ortalyǵy men aımaqtyń birqatar aýdanynda da pnevmonııanyń jaǵdaıy anyqtalǵan.
Qaýipti indettiń aldyn alý jáne turǵyndardy qorǵaý maqsatynda óńirde birqatar jumys uıymdastyrylýda. «Bıylǵy 25 mamyr kúngi aqparat boıynsha, 2 580 oryndyq ınfeksııalyq stasıonarlarda 917, onyń ishinde 250 tósektik orynda 76 naýqas em qabyldaýda. Karantındik stasıonarlarǵa 13 tulǵa ornalastyrylǵan. О́ńirdegi 10 zerthanada jalpy táýligine shamamen 2 600-2 800 PTR zertteý júrgizilýde», deıdi oblystyq densaýlyq saqtaý basqarmasynyń basshysy Áset Qalıev. Sonymen qatar jalpy oblys boıynsha 22 densaýlyq saqtaý uıymdarynda 42 egý pýnkti bar. Olardyń ishinde 14 pýnkt Taraz qalasynda jáne 28 pýnkt aýdandarda ornalasqan.
Bıyl 1 aqpannan bastap oblysqa 1 myń adamǵa arnalǵan 2 myń doza QazCovid-in vaksınasy, 92 700 doza Spýtnık V vaksınasynyń 1 komponenti jáne 71 600 doza 2 komponenti men 27 myń doza Hayat Vax vaksınasy keldi. Atalǵan basqarmanyń málimetinshe, jalpy ósimmen 102 423 tulǵa Spýtnık V vaksınasynyń 1-komponentimen, onyń ishinde 1 459 tulǵa otandyq vaksınamen, 92 041 tulǵa Spýtnık V jáne 9 380 tulǵa Hayat Vax vaksınasymen ekpe alǵan. Onyń ishinde 13 379 adam medısına qyzmetkerleri, 18 295 adam oblystaǵy bilim berý mekemeleriniń qyzmetkerleri, 15 842 adam arnaıy kúshtik qurylym qyzmetkerleri, 2 115 adam memlekettik qyzmetshiler jáne 52 792 basqa da tulǵalar bar. «Vaksınanyń 2-komponenti ósimmen 36 264 tulǵaǵa ekpe júrgizildi. Egýden keıingi asqynýlar tirkelgen joq. Búginge otandyq vaksınanyń 582, Hayat Vax vaksınasynyń 17 618 dozasy, Spýtnık V 1-komponenttiń 659, 2-komponenttiń 35 911 dozasy qaldy», deıdi Á.Qalıev.
Jambyl oblysy