Dýaldy oqytý – kásipke baýlýdyń tıimdi júıesi

Dýaldy oqytý baǵdarlamasyn engiz­gen oqý oryndarynyń biri – Almaty sán jáne dızaın kolledji. Bul kolledj 74 jyl boıy tigin óndirisi jáne kıim úlgileý, shashtaraz óneri jáne sándik kosmetıka, tamaqtandyrýdy uıymdastyrý mamandyqtary boıynsha biliktiligi joǵary mamandar daıarlap keledi.

Atalǵan oqytý tehnologııasy biz­diń kolledjde 2014 jyldan bas­tap qoldanyla bastady. Alǵashynda tigin­shilerdiń bir tobynan bastadyq, búgingi tańda biz dýaldy túrde tiginshi, aspaz, kondıter mamandyqtary boıynsha oqytý daıyndyǵyn júrgizýdemiz.

Dýaldy oqytý bazalyq kásiporyn­darda óndiristik oqytý ýaqytynyń 60% kóleminde qarastyrylady. Oqy­tý nátıjesinde stýdentter jumys berý­shilerdiń talaptaryna tez beıimdelip, ko­lledj túlekteriniń jumysqa ornalasý kórsetkishi artady.

Kolledj 2021 jyly «Jas maman» baǵdarlamasyna Qazaqstannyń 180 kolledjiniń biri bolyp endi. Oqý ornynyń 2021-2026 jyldarǵa ar­nal­ǵan strategııalyq damý josparyn jáne halyqaralyq talaptarǵa sáı­kes kadrlar daıarlaý úshin sheteldik sala­lyq ortalyqtardyń talaptaryna sáıkestikti baǵalaý rásimderinen ótý­diń jol kartasyn ázirleı otyryp, tigin sheberhanalaryn jabdyqtaý úshin memlekettik satyp alý qatysýda.

«Jas maman» jobasy boıynsha satyp alý tiziminde bar jabdyq naryqtyń sońǵy úrdisterine jáne zamanaýı tigin óndirisiniń barlyq talaptaryna sáıkes keledi. Osyndaı jabdyqtarda jumys isteýge oqytatyn mamandyqtyń ózi búgingi tańda suranysqa ıe.

Jańa jabdyqtar taıaý 3-5 jylda su­ranysqa ıe bolatyn bilikti kadrlar­dy daıarlaý isine keńinen jol ash­ty. Sıfrly tigin mashınalarynyń paıda bolýy balabaqsha jasynan bas­tap tigin tehnologııalaryn úıretýge múm­kindik týǵyzyp, baldyrǵandardyń qyzy­­ǵý­shylyǵyn oıatyp, tiginshilik maman­dyǵyna erekshe nazar aýdartady. Al biz aıtyp otyrǵan dýaldy oqytýdyń negizgi máni – bilim alýshyǵa meńgeretin kásibiniń teorııalyq bilimin, bilik pen daǵ­dysyn tikeleı óndiris ornynda meńgertý.

Gúlzıra UIаBAEVA,

Almaty sán jáne dızaın kolledji dırektorynyń oqý isi jónindegi orynbasary