Jylyoı aýdanyndaǵy qoqys polıgonynyń otqa oranýyna ne sebep bolǵany ázirge belgisiz, dep habarlaıdy Egemen.kz.
Oblystyq ekologııa departamenti baspasóz qyzmetiniń aqparatyna qaraǵanda, órt 25 mamyrda keshki saǵat 22:00 shamasynda tutanǵan.
«Aýdan ortalyǵy – Qulsary qalasynan 8 shaqyrymdaǵy «Qulsary-Beıneý» tas jolynyń mańynda ornalasqan qoqys polıgonynda qaldyqtar órtendi. Polıgon «Jylyoı tazalyq» JShS-niń teńgerimine alynǵan. Ekologııa departamentiniń mamandary órt bolǵan jerden synama aldy. Endi tekserý júrgizý bastalady», dep habarlady departamenttiń baspasóz qyzmeti.