Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, 5 balaly ana Nurgúl Ońǵarbaeva ınfeksııalyq stasıonarǵa júktiliktiń 35-shi aptasynda túsken eken, dep habarlaıdy Egemen.kz.
«Alǵashqyda álsireý, qatty qaltyraý baıqaldy. Keıin mobıldi topty úıge shaqyryp, koronavırýstyq ınfeksııaǵa PTR synamasyn tapsyrdym. Úsh kún úıde ambýlatorlyq em aldym. Tórtinshi kúni temperatýra 38 gradýsqa deıin kóterilgen soń jedel járdem shaqyrýǵa týra keldi», deıdi Nurgúl Ońǵarbaeva.
№2 oblystyq aýrýhanadaǵy ınfeksııalyq stasıonardyń bosandyrý zalynda Nurgúl Ońǵarbaevanyń 6-sábıin ómire ákeldi. Dárigerler anasy men sábıin aman saqtap qalý úshin kesir tiligi arqyly ota jasaǵan.
«Buryn men de, ózge turǵyndar sekildi aýrýdyń bar ekenine senbedim. Bastapqyda ottegi tútigin kıgim kelmep edi. Biraq, jansaqtaý bólimine túskende amalsyzdan kıesiń. Munda táýlik boıy kezekshilik etip, adamdardyń ómirine arasha bolyp júrgen dárigerlerdi, medbıkelerdi kórip, bastapqy oıymnan aınyp qaldym. Meıirimdi dárigerlerdiń qurmetine qyzymyzdyń esimin Meıirim atadyq», deıdi Nurgúl Ońǵarbaeva.
Baspasóz qyzmetiniń málimetinshe, ınfeksııalyq stasıonarda 51 sábı ómirge kelgen. Qazir stasıonarda 8 áıel emdelýde. Al, 43 jas ana sábıimen birge úıine shyǵarylǵan. Sábılerdiń eshqaısysynan koronavırýstyq ınfeksııa anyqtalmaǵan.