Almatyda COVID-19 juqtyrǵandar jatqan úsh aýrýhana qalypty rejımge aýysty, dep habarlaıdy Egemen.kz.
Almaty qalalyq Qoǵamdyq densaýlyq basqarmasy basshysy Narıman Tabynbaevtyń aıtýynsha, qalada koronavırýs juqtyrǵan naýqastardyń aýrýhanaǵa túsý jaǵdaıy tómendegen. Nátıjesinde №1 perzenthana men eki aýrýhana qalypty jumys rejımderine kóshken.
Sondaı-aq 1 maýsymnan bastap jedel medısınalyq járdem kórsetý aýrýhanasy muqııat dezınfeksııadan ótkizilip, burynǵy jumys rejımine kóshedi.
Qorǵanys mınıstrligi aýrýhanasynda da koronavırýspen jatqyzylǵan sońǵy naýqas emdelip shyqty.
«Sondaı-aq Halyk Arena-da ornalasqan juqpaly aýrýhana jáne qaıta jasaqtalǵan aýrýhanalar, onyń biri – temirjol emhanasy, №1 Qalalyq klınıkalyq aýrýhana jáne Qalalyq kardıologııalyq ortalyq koronavırýs juqtyrǵan naýqastardy kútý júıesinen alynady», delingen habarlamada.
Búginde koronavırýs juqtyrǵan 2035 adam aýrýhanalarda jatyr. Jalpy qalanyń juqpaly aýrýlar aýrýhanalaryndaǵy tósek syıymdylyǵy - 5 940 oryn. Búginde úı jaǵdaıynda alǵashqy medısınalyq-sanıtarlyq kómek jáne mobıldi toptar qadaǵalaýyndaǵy 2 198 naýqas bar, onyń 306-sy sımptomsyz, 1892-si jeńil jáne 90-y ortasha aýyrlyq dárejesinde.