Aqparat jáne qoǵamdyq damý vıse-mınıstri Bolat Tlepovtiń tóraǵalyǵymen aqparatqa qol jetkizý máseleleri jónindegi komıssııanyń kezekti otyrysy ótti.
Otyrysta mınıstrliktiń Qazaqstan Respýblıkasyndaǵy aqparatqa qol jetkizý salasynyń jaı-kúıi týraly jyldyq esebiniń jobasy tanystyryldy. Memleket jáne qoǵam kommýnıkasııalaryn damytý departamentiniń dırektory B.Rahımov óz baıandamasynda eseptiń qurylymyn baıandap, sondaı-aq Komıssııa múshelerin jobany jarııa talqylaý boıynsha júrgizilgen jumys týraly habardar etti. Memlekettik organdar men Komıssııa múshelerinen kelip túsken eskertýler men usynystar esepte eskerilgenin atap ótý qajet.
Sondaı-aq, otyrysta Komıssııa músheleri B.Nurǵazıeva, O.Dıdenko, R.Oshaqbaev sóz sóıledi. Komıssııa músheleri eseptiń mazmuny boıynsha oń pikirler aıtty. Sonymen qatar O.Dıdenko komıssııaǵa esepti iske asyrý barysyn monıtorıngteý ókilettikterin berý týraly usynys bildirdi. Otyrys qorytyndysy boıynsha komıssııa esep mazmunyna birqatar usynymdar ázirledi.