Halyqtyń memlekettik tildi oqytý prosesine qoljetimdiligin qamtamasyz etý maqsatynda Bilim jáne ǵylym mınıstrligi Til saıasaty komıtetiniń tapsyrysy boıynsha ázirlengen kelesi portaldar jumys isteıdi.
- «TILQURAL.KZ» – memlekettik tildi kezeń-kezeńimen úırenýge arnalǵan veb-servıs. Saıtta qazaq tilin meńgerýge nıettenip júrgen eresekterge A1, A2, V1, V2, S1 deńgeılerinde til úırenýge múmkindik beretin onlaın-kýrs bar. Saıt sózdik qoryn tolyqtyrýǵa, jańa sózderdiń maǵynasyn túsinýge jáne olardy kúndelikti ómirde qoldanýǵa kómektesedi. Qosymshany Android, iOS platformalary arqyly júkteýge bolady. Sonymen qatar elektrondy oqýlyqtardy web-portaldan smartfonǵa júkteý múmkindigi qarastyrylǵan.
- «TILMEDIA.KZ» – úshtildi saıt orys jáne aǵylshyn tildi azamattarǵa memlekettik tildi qyzyqty jáne tıimdi oqytýǵa kómektesedi. Tilderdi oqytý ádistemesi aýdıo jáne beıne mazmunǵa negizdelgen. Saıtta latyn jáne arab grafıkalary qarastyrylǵan.
- «BALATILI.KZ» – saıt úsh jastan asqan balalardyń tildik, jazbasha jáne shyǵarmashylyq daǵdylaryn damytýǵa múmkindik beredi. Saıtta balanyń ózdik jumysyna arnalǵan jeke paraqtar, sondaı-aq muǵalimder, tárbıeshiler jáne ata-analarǵa arnalǵan ádistemelik quraldar bar.
- «AVAI.INSTITUTE» – Qazaqstanda jáne shetelde qazaq tilin oqytý jáne ilgeriletý baǵdarlamasy sheńberinde ázirlengen veb-portal. Portal Android jáne iOS platformalary arqyly 6 tilde qoljetimdi.
- «SOYLE.KZ» – onlaın-portal
aýdıo jáne beınematerıaldardy paıdalana otyryp qazaq tilin oqytýdyń dástúrli ádistemesi. Saıtqa qazaq-orys tilderiniń sózdigi, grammatıka anyqtamalyǵy jáne testiler júktelgen. Platformada radıo ornatylǵan, balalarǵa arnalǵan bólek bólim qarastyrylǵan. «Biz sóıleımiz, oqımyz, jazamyz, qaraımyz» taqyryptary boıynsha yńǵaıly navıgasııa kózdelgen.
2018 jyly baǵdarlamanyń aǵylshyn-latyn nusqasy ázirlendi. Sondaı-aq osy joba aıasynda «Soyle», «Sozdik» mobıldi qosymshalary jumys isteıdi. 2019 jyly Telegram qosymshasynda qazaq tilin úırený úshin telegramm-bot, «Soyle Talk» sóılesý klýby qurylyp, «Soyle.kz» portalyna «Karaoke ánderi», «Sózjarys» oıyny, «Soyle radıosy» tárizdi jańa bólimder qosyldy. Bul platforma Memlekettik tildi damytý qory tarapynan ázirlengen.
- «BALA.SOYLE.KZ» – balalarǵa qazaq tilin úıretýge arnalǵan onlaın-portal.
- «SOYLETUBE» – YouTube áleýmettik jelisinde qazaq tilin úırenýge arnalǵan beınekanal. Fılmderdi, mýltfılmder men klıpterdi túpnusqada kórý arqyly til úırenýdiń tıimdi tásilderiniń biri. О́zekti taqyryptar aıasynda daıyndalǵan qyzyqty rolıkter túrli sanattaǵy tyńdaýshylardyń talǵamyna jaýap bere alady.
- «QAZONLINE» – Jambyl oblysy tilderdi damytý basqarmasy ázirlegen qazaq tilin úırenýge arnalǵan mobıldi qosymsha.
- «ANA TILI» – Pavlodar oblysynyń «Ana tili» ortalyǵy ázirlegen qazaq tilin úırenýge arnalǵan mobıldi qosymsha.
- «KAZ-TILI.KZ» – T.Valıaevanyń avtorlyq jobasy. Saıtta keste túrinde berilgen jattyǵýlar men grammatıkalyq erejeler qoljetimdi. Sondaı-aq qazaq tilinde oqýǵa arnalǵan kitaptar men ertegiler de bar. Tildi beınematerıaldar men qysqasha orys-qazaq tilashary arqyly meńgerýge bolady.
Sóıleýdiń ár bóligine arnalǵan bólimder, jattyǵýlar, balalarǵa arnalǵan grammatıka, maqal-mátelder, ertegiler, ánder jáne t.b. bar. Apta saıyn oqý materıaldary men ádebıetter jarııalananyp turady.
- «BAS QOSU» (facebook) – tikeleı qarym-qatynas ornatý múmkindigi bar qazaq tili klýby. Bul Baqytjan Buharbaıdyń qazaq tilin bilý deńgeıin edáýir jaqsartqysy keletin adamdarǵa arnalǵan jobasy. Topta posttardy qazaq tilinde oqyp, talqylaýǵa, aýdarmany túpnusqamen salystyrýǵa, ózara dıalog qurý arqyly jattyǵýǵa bolady.