Elordalyq dárigerler ınsektik allergııasy bar balalardyń stasıonarlarǵa júginý jaǵdaıy jıilep ketkenin málimdedi, dep habarlaıdy Egemen.kz.
№1 kópbeıindi qalalyq balalar aýrýhanasynyń dárigerleriniń aıtýynsha, atalmysh allergııalyq reaksııa jándikterdiń shaǵyp alýynan bolady.
«Antıgender – jándikterdiń, dernásilderdiń denesiniń bólshegi, ýy, silekeıi sekildi ózge de ınsektiktıvti komponentteri. Bul allergııa negizinen shaǵyp alǵan kezde paıda bolady. Sol sııaqty shaǵatyn jándik terisiniń bir qabaty muryn arqyly aǵzaǵa túskende bolady. Budan bólek bal, dári-dármekter, naqtyraq aıtqanda shaǵatyn jándikterdiń azyǵy bolyp esepteletin propolısti qoldanǵanda shyǵady», deıdi ımmýnolog-dáriger, allergolog Nurlan О́telbaev.
Dáriger allergııalyq reaksııalar jergilikti jáne júıelik bolyp bólinetinin atap ótti. Onyń aıtýynsha, jándikterdiń shaqqannan keıin orny aýyrsynyp, ótpeli erıtema bolatynyn jáne kishkentaı isiný bolatynyn jetkizdi.
Dárigerler shaqqan orynǵa jáne onyń aınalasyna sýyq nárse qoıyp, medısınalyq kómekke júginý kerektigin eskertedi. Shaǵý yqtımaldyǵyn boldyrmaý nemese edáýir azaıtý úshin mynadaı saqtyq sharalaryn saqtaý kerek:
- syrtqa shyqqanda barynsha jabyq kıimmen shyǵý;
- shóp ústinde jalań aıaq júrmeý (jándikti basyp ketý qaýpi joǵary);
- propolısti emdik úshin qoldanýǵa bolmaıdy;
- omartalar men bazarlarǵa, pıknıkterge barmaý;
- fızıkalyq kúsh salyp jumys isteýge bolmaıdy (adam denesinen bólinip shyqqan ter jándikterdi tartady);
- jándikterdiń uıalary shópterde, butalarda, shatyrlarda, nazardan tys qalǵan oryndarda bolýy múmkin ekenin umytpańyz;
- jándikti óz uıasynyń janynda óltirýge bolmaıdy;
- parfıýmerııa, lak, krem paıdalanbańyz, óıtkeni olardyń ıisi jándikterdi tartady;
- araǵa nemese aranyń qasynda turyp jyldam qozǵalys jasamańyz;
- bas kıim kııýdi umytpańyz, óıtkeni shashqa oralǵan jándik mindetti túrde shaǵyp alady.