Bıyl «Jasyl el» jobasy aıasynda 1500-den astam qaraǵandylyqty jumysqa ornalastyrý josparlanyp otyr, dep habarlaıdy Egemen.kz.
Oblystyq shtabtyń jetekshisi Dáýlet Estanovtyń aıtýynsha, olar aýdan-qalalardy kóriktendirý, abattandyrý jumystarymen aınalysady. Joba Qaraǵandy oblystyq jastar saıasaty máseleleri jónindegi basqarmanyń qoldaýymen júzege asyrylýda.
«Jasyl el» otrıadtary 20 jyl boıy el aýmaǵynda tabysty jumys istep keledi. Oblystyq shtabtyń basty maqsaty – qalalyq jáne aýdandyq shtabtardyń jumysyn úılestirý. Sondaı-aq «Jasyl el» jaýyngerlerine aqy tóleý jaǵyn qarastyrý. Budan bólek, oblystyq shtab jastardyń eńbek maýsymyna qatysýyna qashyqtyqtan monıtorıng júrgizedi», deıdi Dáýlet Estanov.
Eske sala keteıik, «Jasyl el» baǵdarlamasy Qazaqstan aýmaǵynda 2005 jyldan bastap jumys isteıdi. Baǵdarlama Qazaqstannyń Tuńǵysh Prezıdenti Nursultan Nazarbaevtyń bastamasymen jastardy jazǵy jumysqa tartý maqsatynda qolǵa alyndy. Sońǵy 3 jylda «Jasyl el» jobasy aıasynda Qaraǵandy oblysynyń aýmaǵynda 3 500-den astam kóshet otyrǵyzyldy.