Oblystyq bilim basqarmasynyń uıytqy bolýymen 2016 jyldan bastap balalardy qorǵaý kúnine oraı «Júrekten júrekke» qaıyrymdylyq aksııasy uıymdastyrylyp keledi, dep habarlaıdy Egemen.kz.
Aksııa aıasynda kópbalaly jáne az qamtylǵan otbasylarynyń, ata-analary múgedek otbasylarynyń balalarynan Tylek.kz saıty arqyly 2944 tilek-hat ornalastyrylyp, balalardyń arman-tilekteri oryndaldy.
Kishkentaı shyǵysqazaqstandyqtar ózderiniń hattarynda ártúrli ótinishterin jazǵan. Aıtar bolsaq, velosıped, konkı, shańǵy, kúrteshe, konstrýktor, krossovka, ádemi kóılek, bor men boıaý, mektep jabdyqtary syndy zattardy alýǵa tilekterin bildirgen edi.
Balalardyń bul ótinishteri birqatar uıymdardyń demeýshilik kómeginiń arqasynda oryndaldy. Jýyqta olar qaıyrymdy jandardan ártúrli syılyqtar aldy. Al eń belsendi demeýshiler alǵys hattarmen marapattaldy.