Iraktyń ońtústiginde mýkormıkoz nemese «qara zeń» dep atalatyn aýrýdan kem degende eki adam qaıtys bolǵan, dep habarlaıdy Egemen.kz.
Eldiń densaýlyq saqtaý departamentiniń baspasóz hatshysy Ammar ál-Zamılı Iraktyń Dı-Kar aýdanynda «qara zeń» aýrýynan eki adam qaza bolǵanyn aıtady.
Olar koronavırýs ınfeksııasynan týyndaǵan asqynýlardan keıin kóz jumǵan. Medısına mamandarynyń aıtýynsha, 51 jastaǵy naýqastyń kózine qara sańyraýqulaq shyqannan keıin osyndaı dıagnoz qoıylǵan. Eldi meken aýmaǵynda mýkormıkozdyń tórt jaǵdaıy anyqtaldy.
Irak densaýlyq saqtaý departamentiniń dırektory Abdýl Amır Ál-Halfıdiń sózinshe, topyraq pen aýyl-aımaqtyń lastanýyna baılanysty «qara zeń» juqtyrý qaýpi bar.
Mýkormıkoz nemese «qara zeń» – bul sańyraýqulaq ınfeksııasynyń saldarynan bolatyn asqyný. Aýrý qant dıabetimen aýyratyn adamdar úshin, ásirese koronavırýstan keıin ımmýnıteti tómendegender úshin qaýipti.
Eske salaıyq, buǵan deıin Úndistanda koronavırýs juqtyryp, odan jazylǵandardan «qara zeń» anyqtalǵan bolatyn. Úndistannyń Radjastan jáne Telangana shtattary «qara zeń» epıdemııasyn jarııalaǵan.