30 mamyrda jartylaı orta salmaqtaǵy qazaqstandyq boksshy Batyr Júkembaev (18-1-0, 14 KO) AQSh-taǵy alǵashqy jekpe-jegin ótkizdi, dep habarlaıdy Egemen.kz Prosports.kz saıtyna silteme jasap.
Ol Kalıfornııanyń Karson qalasynda ótken boks keshine qatysyp, onda Pýerto-Rıkonyń ókili Sabrıel Matıaspen (17-1-0, 17 KO) judyryqtasty. 12 raýndqa eseptelgen kezdesý segizinshi raýndta aıaqtaldy. Batyrdyń bapkerleri jekpe-jekti jalǵastyrýdan bas tartty.
Jekpe-jekten keıin Kalıfornııa shtatynyń atletıkalyq komıssııasy eki boksshyny da jekpe-jekten ýaqytsha shettetti: Júkembaevqa rıngke shyǵýǵa 2021 jyldyń 13 shildesine deıin, al Matıasqa - 5 maýsymǵa deıin tyıym salyndy.
Mundaı sheshimge ne sebep bolǵany jaıynda ázirge naqty málimet joq.