«Batys» óńirlik qolbasshylyǵynyń áskerı bólimderi dabylmen kóterilip, jazǵy oqý-jattyǵý kezeńin bastady, dep habarlaıdy Egemen.kz.
О́ńirlik qolbasshylyqtyń baspasóz qyzmetiniń málimetinshe, Aqtaý, Aqtóbe jáne Atyraý garnızondarynyń áskerı bólimderdiń jeke quramy arasynda memlekettik jáne quqyqtyq daıyndyq sabaǵy ótti. Sodan soń áskerı bólimderdiń jeke quramy taktıkalyq-saptyq jattyǵýlaryn ótkizý úshin dabylmen kóterildi.
«О́tkizilip jatqan sharalardyń basty maqsaty – áskerlerdi jaýyngerlik-jedel basqarý jáne basqarý júıesin jetildirý. Biz jaýyngerlik daıyndyq kezinde áskerı bólimderdiń berilgen tapsyrmany ýaqytynda oryndaý múmkindigin tekseremiz. Osy ýaqytta áskerı bólimderde jyljymaly jáne stasıonarlyq komandalyq pýnktter qurylyp, baılanystyń, komendanttyq qyzmettiń barlyq túri uıymdastyrylady», deıdi «Batys» óńirlik qolbasshylyǵy jedel bóliminiń bastyǵy, polkovnık Talǵat Kenjetaev.