«Jedel jeliniń» járdemi

Sıfrlyq ekonomıkany damytý ortalyǵynyń tehnıka­lyq dırektory Gúljan Qonqasheva­nyń aıtýynsha, baılanys orta­ly­­ǵynda birneshe aýysymda

20 operator jumys istep jatyr. Olar úsh qoldaý jelisine sáı­kes ótinishterdi tirkep, jaýap bere­di. Kásipkerler «jedel je­lige» qońyraý shalyp, jalpy máseleler tóńireginde taýarlardy tańbalaý jáne qadaǵalaý bo­ıynsha keńes ala alady. Sondaı-aq qajet bolǵan jaǵdaıda jeke­legen taýar toptaryn tańba­laý máseleleri boıynsha maman­dan­ǵan sarapshylar egjeı-teg­jeıli túsinikteme beredi. Júıe­de tirkelýge, qujattardy resim­deý­ge, qalyptastyrýǵa, jó­nel­tý­ge baılanysty máseleler týyn­­­daǵan jaǵdaıda ótinish teh­­­­nı­kalyq qol­daý jelisine ji­be­riledi.

Sıfrly tańbalaýǵa qatysty «jedel jeli» óz jumysyn 2020 jyldyń tamyz aıynda bastaǵan bolatyn. Iаǵnı temeki ónimderin mindetti sıfrly tańbalaýǵa eki aı qalǵanda iske kiristi. Baılanys ortalyǵyna eń kóp ótinish byltyr qyrkúıekten jeltoqsanǵa deıingi aralyqta kelip túsken. Bul bıznestiń teme­ki naryǵyndaǵy jańa jumys jaǵdaıyna beıimdelý kezeńi boldy. Osyǵan baılanysty kóp­tegen suraq ta týyndady. Sıfr­ly tańbalaý boıynsha baı­lanys ortalyǵy 9 aı ishinde 10 myńnan astam ótinishti óńdep úlgergen. «Jedel jeli» táýlik boıy, aptasyna jeti kún jumys isteıdi. Jumystyń naǵyz qyzǵan shaǵynda táýligine 300-ge deıin ótinishterdi óńdeýge týra keledi.

– 1 shildeden bastap aıaq kıim taýarlaryn mindetti tańba­laý engiziledi. Sondyqtan maý­sym-shilde aılarynda aıaq kıim naryǵyndaǵy oıynshylar tarapynan kelip túsetin óti­nish­ter sany ósýi múmkin. Keńesshiler bızneske barynsha jedel túsinikteme, keńes berýge daıyn. Ortasha alǵanda keńes berý sıpatyndaǵy suraqtarǵa klıent júgingen sátte 5-10 mınýt ishinde jaýap alady. Eger máseleni egjeı-tegjeıli zerdeleý qajet bolsa, eń uzaq degende jaýap berý ýaqyty 24 saǵattan aspaıdy. Qalaı bolǵanda da, júgingen árbir adam qoıylǵan suraqqa tolyqqandy jaýap alady. Bul baılanys ortalyǵy jumysynyń basty erejesi, – deıdi G.Qonqasheva.

Baılanys ortalyǵy ótinim­der­di telefon arqyly, sondaı-aq elektrondy mekenjaı jáne Taýarlardy tańbalaýdyń jáne qadaǵalaýdyń aqparattyq júıe­si­niń veb-ınterfeısi arqyly qabyldaıdy. Operatorlar taýar­lar­dy sıfrly tańbalaý jáne qadaǵalaý máseleleri bo­­ıynsha únemi bilim jetildirip tu­rady. Qazirgi ýaqytta baılanys orta­ly­ǵyn keńeıtý jáne qyzmet kór­se­týdiń omnıkanaldy modelin da­mytý qarastyrylýda. Bul 2022 jyly elimizde taýarlardyń ózge toptaryna mindetti sıfrly tańbalaý engiziletin kezde ózekti bolmaq.

Eske sala keteıik, Qazaqs­tan­da ótken jyldyń qazan aıynda temeki ónimderin mindetti tańbalaý engizildi. Qazirgi ýaqyt­ta farmasevtıkalyq preparat­tardy, alkogol jáne sút ónim­de­rin sıfrly tańbalaý bo­ıynsha qa­nat­qaqty jobalar júzege asy­­­ry­lýda. Tańbalaýdyń bas­ty maqsaty – tutynýshylardy kontra­­faktilik jáne jalǵan ónim­­­­derden qorǵaý. Sonymen qa­tar sıfrly tańbalaý bıznes­tiń ónimdiligin arttyrýǵa, logıs­tı­ka­­lyq shemalardy jetildirýge jáne naryq úlesin arttyrýǵa múm­kindik beredi.