Senat depýtattary aımaqtarǵa jumys sapary barysynda jergilikti turǵyndarmen kezdesip, olardyń usynys-pikirlerin tyńdady.
Senator Qanatbek Safınov daýlardy sottan tys jəne sotqa deıin retteý ınstıtýttaryn damytý keleshegin medıatorlardyń 1000-nan astam múshesi bar kəsibı qoǵamdastyǵynyń ókilderimen birge talqylady. Senator elimizdiń Prezıdenti Qasym-Jomart Toqaev ótken jyldyń qyrkúıek aıynda Qazaqstan halqyna Joldaýynda daýlardy sheshýdiń balama təsilderin damytý mindetin alǵa qoıǵanyn atap ótti. 2021 jylǵy 1 shildeden bastap qoldanysqa engiziletin jańa Əkimshilik rəsimdik-prosestik kodekste osy saladaǵy ahýaldy jaq sartýǵa baǵyttalǵan. Qanatbek Safınov əkimshilik jəne basqa da jarııa-quqyqtyq qatynastardan týyndaıtyn daýlardyń ereksheligin eskere otyryp, qazir «Medıasııa týraly» zańǵa jarııa-quqyqtyq qatynastar salasynda medıasııany júrgizýge qatysty jeke taraý engizý məselesi pysyqtalyp jatqanyn atap ótti.
* * *
Senat depýtattary Narıman Tóreǵalıev pen Ləzzat Rysbekova Batys Qazaqstan oblysynyń shalǵaıda ornalasqan Qaztalov jəne Jənibek aýdandaryna baryp, jergilikti turǵyndarmen kezdesti. Qaztalov aýdanynda depýtattar Saryqudyq jəne Jalpaqtal aýyldarynda bolyp, 60 oryndyq mekteptiń, sport kesheniniń, 12 pəterli turǵyn úıdiń qurylys jumystarymen tanysty. Sondaı-aq jergilikti zııaly qaýym ókilderimen kezdesti. Kezdesý barysynda senatorlar óńirdegi ózekti problemalar talqylandy. Naqty aıtqanda, sýmen qamtamasyz etý, aqbókenderdiń popýlıasııasyn saqtaý, mobıldi baılanys jelilerin keńeıtý jəne jergilikti ózin ózi basqarýdy kúsheıtý məselelerine nazar aýdaryldy. Depýtattar Reseımen shekaralas Jənibek aýdanynyń ortalyǵyna arnaıy bardy. Bul jerde shekaralyq ótkizý beketi ornalasqan. Ony keńeıtý – oblys turǵyndary úshin mańyzdy məselelerdiń biri.
* * *
Senatorlar Súıindik Aldashev pen Baqtybaı Shelpekov Mańǵystaý oblysynyń Túpqaraǵan aýdanyndaǵy ınfraqurylymdyq jobalardy iske asý barysymen tanysty. Senat depýtattary sapar aıasynda Jańa Ketik turǵyn úı alabynda osy jyldyń sońynda paıdalanýǵa berý josparlanǵan avtomobıl joly qurylysynyń barysyn tekserdi. Bul jobanyń mańyzdylyǵyn eskere otyryp, senatorlar avtojol qurylysyn salýshylardy jumysty sapaly jasaýǵa jəne ony ýaqytynda aıaqtaýǵa shaqyrdy. Senatorlar sonymen qatar birqatar ınfraqurylymdyq nysandardy aralady. Olardyń qatarynda turǵyndardy sapaly aýyz sýmen qamtamasyz etetin əri jaqynda salynǵan sý tushytatyn 2 qondyrǵy, sondaı-aq Jumyspen qamtýdyń jol kartasy aıasynda abattandyrý jumystary jasalǵan jaǵalaý da bar.