Qazaqstan Respýblıkasy Parlamenti Senatynyń Tóraǵasy Máýlen Áshimbaev resmı saparmen О́zbekstan Respýblıkasyna keldi. Sapar aıasynda Palata Spıkeri О́zbekstan Olıı Májilisi Senatynyń Tóraǵasy Tanzıla Narbaevamen kezdesti, dep habarlaıdy Egemen.kz.
Kezdesý kezinde qatysýshylar eki el arasyndaǵy qarym-qatynastyń joǵary damý qarqynyna nazar aýdardy. Sondaı-aq, ózara baılanysty ári qaraı nyǵaıtýdyń, onyń ishinde parlamentaralyq yntymaqtastyqty órkendetýdiń mańyzy zor ekenin atap ótti.
«Qazaqstan tarapy О́zbekstannyń jetistikterin erekshe qýanyshpen qabyldaıdy. Biz úshin elderimiz arasyndaǵy baýyrlastyqty ári qaraı arttyrýdyń tereń máni bar. Qazirgi tańda eki el – senimdi strategııalyq seriktester jáne odaqtastar. Memleketterimizdiń basshylary belgilep bergen osyndaı joǵary deńgeıdegi yntymaqtastyqty Parlamentterimiz arqyly qoldaý da asa mańyzdy», dedi Máýlen Áshimbaev.
Sonymen qatar ol eki eldiń Senattary arasynda arnaıy Yntymaqtastyq jónindegi komıssııa qurylǵanyn tilge tıek etti. Onyń jumysy osy sapar aıasynda bastalmaq.
Komıssııa jumysynyń basty maqsaty – eki el Senattarynyń ózara baılanysyn odan ári jetildirý jáne óńiraralyq yntymaqtastyqty damytýdaǵy Parlamentterdiń rólin arttyrý. Bul jumystar qoldanbaly jáne júıeli sıpat alýy úshin búgin 2021-2022 jyldarǵa arnalǵan Jol kartasyna jáne О́zbekstan Respýblıkasy Olıı Májilisi janyndaǵy Zań shyǵarý máseleleri jáne parlamenttik zertteýler ınstıtýty men Qazaqstan Respýblıkasynyń Parlamenti janyndaǵy Parlamentarızm ınstıtýty arasynda Yntymaqtastyq jónindegi memorandýmǵa qol qoıyldy.
«Jol kartasynda» kórsetilgen sharalardy iske asyrý parlamentaralyq baılanysymyzdy nyǵaıtýda mańyzdy ról atqarady dep esepteımiz. Sondaı-aq, bul qujat zań shyǵarýshy organdardyń eki el arasyndaǵy strategııalyq yntymaqtastyqty damytýǵa qosqan naqty úlesi ekeni sózsiz», dedi Qazaqstan Senatynyń Tóraǵasy.
Odan bólek, suhbattasýshylar óńiraralyq, mádenı-gýmanıtarlyq baılanystardy kúsheıtý jáne halyqaralyq parlamenttik alańdar arqyly da yntymaqtastyqty arttyrý máselelerine toqtalyp ótti.
«Eki eldiń Parlamentteri týrızm, ekologııa, sý resýrstaryn basqarý, ınvestısııa, mádenı-gýmanıtarlyq baılanys salalaryndaǵy ekijaqty yntymaqtastyqtyń quqyqtyq bazasyn jetildirý isinde birlesip áreket etedi. Ekologııalyq máselelerdi sheshýdegi birlesken is-qımyl ózara baılanysymyzdaǵy negizgi baǵyttardyń biri bolyp sanalady. Soǵan baılanysty Jol kartasyna Aral teńizin qutqarýǵa jáne onyń ekojúıesin saqtaýǵa qatysty is-sharalardy birlesip uıymdastyrý tarmaǵy engizilip otyr», dedi Máýlen Áshimbaev.
Senat Spıkeri sıfrlyq tehnologııa, týrızm, bilim berý jáne mádenıet salalaryndaǵy ózara yntymaqtastyq birlesken jumystyń negizgi basymdyqtarynyń biri ekeni de aıtyp ótti.
«Qazaqstan men О́zbekstan arasynda akademııalyq mobıldilik, eki dıplomdy bilim berý baǵdarlamalary, birlesken bilim berý jáne ǵylymı jobalardy júzege asyrý aıasynda 300-ge jýyq shart jasalǵan. Bul aıtarlyqtaı kórsetkish jáne jaqsy tájirıbe ekeni sózsiz. Osy isti ári qaraı damytýdyń mańyzy zor. Atalǵan baǵytta Bilim, biliktilik, ǵylymı dárejelerdi ózara taný týraly kelisimdi ázirlep, qabyldaýdyń bereri mol dep esepteımiz», dedi Máýlen Áshimbaev.
Qazaqstan Senatynyń Tóraǵasy eki eldiń óńiraralyq yntymaqtastyǵy áleýetin tolyq paıdalanýdyń mańyzyn da nazardan tys qaldyrmady.
«Saýdanyń, ózara ınvestısııanyń, ónerkásiptik kooperasııanyń úlken kólemi dál bizdiń oblystarǵa tıesili. О́ńiraralyq yntymaqtastyqty qoldaý maqsatymen óńirlerde qazaqstandyq jáne ózbekstandyq senatorlardyń kezdesýlerin ótkizýdi usynamyz. Oǵan jergilikti ókildi organdar depýtattarynyń da qatysýy mańyzdy», dedi ol.
Sondaı-aq, Senat Tóraǵasy qazaqstandyq senatorlardyń atqaryp otyrǵan jumysy men olardyń bastamasymen ázirlengen zań jobalaryna toqtaldy.
Kezdesý sońynda eki tarap Parlamentterdiń birlesken syndarly jumysy Qazaqstan men О́zbekstan arasyndaǵy strategııalyq seriktestik pen jan-jaqty áriptestikti nyǵaıtýǵa óz yqpalyn tıgizetinine senim bildirdi.
Budan basqa, Máýlen Áshimbaev О́zbekstanǵa saparynyń birinshi kúni aıasynda «Táýelsizdik jáne gýmanızm» monýmentine gúl shoǵyn qoıý rásimine qatysty jáne Temırıdter tarıhy memlekettik mýzeıine bardy.