Mamyrda turǵyn úı naryǵynda baǵanyń ósý qarqyny baıaýlady. Eger aqpanda oń dınamıka 3,5 paıyzǵa, naýryzda - 2,9 paıyzǵa, sáýirde - 1,2 paıyzǵa jetse, mamyrda 0,5 paıyzben shekteldi, dep habarlaıdy Egemen.kz Krisha.kz-ke silteme jasap.
Zeınetaqy jınaǵynan qarajat alý úrdisi bastalǵannan beri alǵash ret qalalardyń birinde teris dınamıka baıqaldy. Aqtaýda usynystar baǵasy 2,5 paıyzǵa tómendep, sharshy metri 241 725 teńge bolǵan.
Mamyrda 17 qalaǵa taldaý júrgizilip, 16-synda ósim baıqaldy.
Taraz, Qyzylorda (1,3 paıyzǵa) jáne Semeı (1,2 paıyzǵa) kósh bastap tur. Usynystar baǵasy - sharshy metr úshin 229 025, 171 550 jáne 259 575 teńge.
Nur-Sultanda ındeks bir paıyzǵa, 375 850 teńgege deıin ósti.
Birqatar óńirde dınamıka bir paıyzǵa jetken joq:
Petropavl - 0,9 paıyz - bir sharshy metr úshin 329 650 teńge,Shymkent - 0,8 paıyz - bir sharshy metr úshin 327 375 teńge,О́skemen - 0,8 paıyz - bir sharshy metr úshin 323 575 teńge,Almaty - 0,5 paıyz - bir sharshy metr úshin 495 475 teńge,Qaraǵandy - 0,5 paıyz - bir sharshy metr úshin 313 025 teńge,Aqtóbe - 0,5 paıyz - bir sharshy metr úshin 199 775 teńge,Atyraý - 0,4 paıyz - bir sharshy metr úshin 317 225 teńge,Qostanaı - 0,4 paıyz - bir sharshy metr úshin 270 200 teńge,Oral - 0,4 paıyz - bir sharshy metr úshin 259 050 teńge.