Bıyldan bastap maýsym aıynyń ekinshi jeksenbisi «Malshylar merekesi» atap ótiledi, dep habarlaıdy Egemen.kz.
«Shopan ata» Ulttyq mal ósirýshiler qaýymdastyǵynyń tóraǵasy Almasbek Sadyrbaevtyń bastamasymen ótken jyldyń sońynda el prezıdenti Qasym-Jomart Toqaevtyń atyna ashyq hat joldanyp, sonyń nátıjesinde jýyrda ǵana maýsym aıynyń ekinshi jeksenbisi resmı túrde «Malshylar kúni» dep bekitildi.
«Malshylar meıramy - bul sharýa adamdarynyń mereıin kóterýdi kózdeıtin, olardyń birligin nyǵaıtyp, Qazaqstandaǵy mal sharýashylyǵynyń damý tetikterin izdep tabýdyń joldaryn retteıdi. Elimizde ǵylymǵa negizdelgen mal sharýalyshyǵynyń damýyna atsalysady» deıdi qaýymdastyq tóraǵasy Almasbek Jumabekuly atalmysh meıram týraly.
Pandemııa jaǵdaıyna baılanysty bıylǵy malshylar meıramynyń is-sharalarynyń basym kópshiligi onlaın formatta ótedi dep josparlanýda. Meıram aıasynda qalyń kópshilikti yntalandyrý maqsatynda «Eń jaıly qora», «Jazda apamnyń aýylynda» syndy baıqaýlar áleýmettik jelilerde júrip jatyr.
Malshylar meıramynyń resmı sharalary 7-13 maýsym aralyǵynda ótedi. Josparda sharýa qaýymdy, úzdik shopandardy marapattaý, sheteldik jáne otandyq mamandardyń ǵylymı-tájirıbelik semınarlary, mal sharýashylyǵy salasy týraly halyqty aqparattandyryp júrgen BAQ ókilderin marapattaý, onlaın-konsert syndy sharalar bar.