Elorda ákimi Altaı Kólginov qazaqstandyqtardy 4 maýsym – Qazaqstan Respýblıkasynyń Memlekettik rámizder kúnimen quttyqtady, dep habarlaıdy Egemen.kz qala ákimdiginiń resmı saıtyna silteme jasap.
«4 maýsym – Memlekettik rámizder kúni merekesi qutty bolsyn! Aıbyndy Eltańbamyz, aspan tústi Týymyz, asqaq Ánuranymyz – táýelsiz memleketimiz ben el halqynyń kıeli qundylyǵy. Memlekettik rámizderimizdi dáriptep, qasterleý – barshamyzǵa paryz. Qazaqstan Respýblıkasynyń rámizderi kúnimen quttyqtaı otyryp, denderińizge saýlyq, otbasylaryńyzǵa amandyq pen baq-bereke tileımin!», dep jazdy elorda ákimi.