«Astana Premier Tech» klýbynyń veloshabandozy Alekseı Lýsenko Fransııada ótip jatqan «Krıterıým Dofıne» kópkúndiginiń jalpy esebinde kósh basyna shyqty, dep habarlaıdy Egemen.kz.
Altynshy kezeńde ıspanııalyq Alehandro Valverde («Movistar Team») top jardy. Lorol-Sıýr-Drom men Le-Sappe-an-Shartrıoz arasyn qamtyǵan 167,5 shaqyrymdyq qashyqtyqty ol 3 saǵat 52 mınýt 53 sekýndta júrip ótti. Ekinshi jáne úshinshi oryndardy ulybrıtanııalyq Teo Geıgan Hart («INEOS Grenadiers») pen aýstrııalyq Konrad Patrık («BORA – hansgrohe») ıelendi. «Astana» klýby músheleri arasynan eń úzdik kórsetkishke Alekseı Lýsenko qol jetkizdi. Jerlesimiz altynshy orynǵa taban tiredi.
Tórtinshi kezeńde top jaryp, jalpy esepte ekinshi orynǵa kóterilgen Alekseı Lýsenko altynshy kezeńnen keıin birinshi orynǵa kóterildi. Otandasymyzdyń kórsetkishi – 20:52:16. «Astananyń» taǵy bir veloshabandozy Ion Isagırre ekinshi satyǵa jaıǵasty. Ol kóshbasyndaǵy sportshydan segiz sekýnd qalyp keledi. Úshinshi orynda – nıderlandtyq Vılko Kılderman («BORA – hansgrohe»).