Jarma aýdanynda ótkizilip jatqan «Qaýipsiz jol» jedel-profılaktıkalyq is-sharasy ótkizildi, dep habarlaıdy Egemen.kz.
Jarma aýdanynda ótkizilip jatqan «Qaýipsiz jol» jedel-profılaktıkalyq is-sharasy kezinde jarmalyq polıseıler «Opel» markaly avtokóligin basqaryp kele jatqan Qalbataý aýylynyń turǵynyn toqtatqan.
Anyqtalǵandaı, júrgizýshi esirtki qabyldap, masań kúıde bolǵan.
Tekserý kezinde azamat buryn avtokólikti mas kúıinde basqarǵany úshin Jarma aýdandyq sotynyń sheshimimen 3 jylǵa kólik quralyn basqarý quqyǵynan aıyrylǵan. Atalǵan oqıǵa boıynsha QR QK-niń 346-baby 1 bóligimen ( Kólik quraldaryn basqarý quqyǵynan aıyrylǵan jáne alkogoldik, esirtkilik jáne (nemese) ýytqumarlyq masań kúıdegi adamnyń kólik quralyn basqarýy, sol sııaqty kólik quralyn basqarýdy osyndaı adamǵa berý nemese kólik quralyn osyndaı adamnyń basqarýyna jol berý) sotqa deıingi tergeý amaldary bastaldy.
Kúdikti Jarma APB-niń ýaqytsha ustaý abaqtysyna qamaldy.