Jalyndy jastar bas qosty

Is-sharany Qazaqstan Respýb­lı­kasynyń Tuńǵysh Prezıdenti – Elbasy kitaphanasy, Nursultan Nazarbaev qory, Qazaqstan Respýblıkasy Aqparat já­ne qoǵamdyq damý mınıstrligi uıym­das­tyrdy.

300 adamdy qamtyǵan forýmǵa Ázer­­baıjan, Belarýs, Qyrǵyzstan, Re­seı, AQSh, Túrkııa, Fransııa jas­tar uıym­darynyń ókilderi, Qazaqstan aı­maq­tarynyń kóshbasshy jastary, Qa­zaq­stan Parlamenti men oblystyq, qa­lalyq más­lıhattardyń jas depýtatta­ry, kásip­kerler, ǵalymdar, sportshylar, «Bo­lashaq» baǵdarlamasynyń túlek­teri, «Qazaqstannyń 100 jańa esimi» joba­synyń jeńimpazdary, eriktiler jáne shy­ǵarmashyl jastar qatysty.

Tuńǵysh Prezıdent Nursultan Nazar­baev qatysýshylarǵa quttyqtaý hat joldady. Ony forým moderatory, Elbasy kitap­hanasynyń dırektory Baqytjan Temir­bolat oqydy: «Jastar – qoǵamnyń qoz­ǵaýshy kúshi, úkili úmiti. Egemendik jyl­dary elimizde sanasy azat, oıy sergek tutas bir jańa býyn qalyptasyp, ósip jetildi.

О́zderińiz biletindeı, ár ulttyń báse­kege qabiletti bolýy eń áýeli bilim sapasy­men ólshenedi. Sizder zaman talabyna tez beıimdelip, qıyndyqqa qasqaıa qarsy tu­rýǵa tıissizder. Búgin de, daǵdarystan keıin de eń mańyzdy damý trendi – ada­mı kapıtaldyń sapasy. Zerdeli de zerek, bilimdi de bilikti jastary bar el­diń qashanda eńsesi bıik, erteńi nurly bol­maq», delingen Elbasynyń quttyqtaý hatynda.

О́z sózinde Baqytjan Temirbolat Qa­zaq­stan Respýblıkasynyń Memlekettik rámizder kúninde ótip jatqan forýmnyń mańyzdylyǵyn atap ótti.

Jıynǵa qatysqan Memlekettik hatshy Qyrymbek Kósherbaev quttyqtaý sóz sóıledi (Memlekettik hatshynyń sózi bólek berilip otyr).

Nur Otan partııasy Tóraǵasynyń birinshi orynbasary Baýyrjan Baıbek jıynda bas qosqan jastarǵa jahandyq ózgeristerge elimizdiń ár azamaty beıim­dele bilýi kerektigin eske saldy.

«Qazirgi kezde qarqyn alǵan jahan­dyq ózgeristerge elimizdiń ár azamaty beıimdele bilýi kerek. Bul rette jas­tarǵa artylatyn senim men jaýap­ker­shiliktiń júgi zor. Elbasy aıtqandaı, bizdiń basty úsh qaǵıdatymyz – jaýap­ker­shilik, komandalyq rýh jáne ózimizdiń qun­dylyqtarymyzǵa berik bolýymyz kerek. Partııa múshelerine arnap aı­tylǵan bul sózder kez kelgen jas úshin de temirqazyq bola alady dep esepteımin. Osy oraıda jetistikke jetkisi keletin ár jas osylardy ustanýy kerek», dedi partııa Tóraǵasynyń birinshi orynbasary.

Aqparat jáne qoǵamdyq damý mınıs­tr­iniń mindetin atqarýshy Serik Egiz­baev «Babalarymyz erteden ańsaǵan táýel­siz­digimizge qol jetkizip, Uly dala tórine álem moıyndaǵan memleket qurǵany­myzǵa bıyl 30 jyl tolyp otyr. Bul ara­lyqta elimiz turaqty damý jolyna túsip, tarıhta buryn-sońdy bolmaǵan zor je­tis­tikterge qol jetkizdi. Álemdegi básekege qabiletti 50 eldiń qataryna endi. Tuńǵysh Pre­zıdentimiz – Elbasy Nursultan Nazarbaev: «Memlekettik rámizder – bizdiń memleketimizdiń, bizdiń egemendigimizdiń berik negiziniń biri. Olar táýelsizdiktiń qasıetti biriktirýshi obrazyn bildiredi», degen bolatyn», dedi.

«Ejelden ata-balalarymyz óz atame­kenin, Otanyn, tili men mádenıetin, salt-dástúri men Memlekettik rámizderin jú­rekpen súıe bilgen, qorǵaǵan ári keleshek urpaǵyna da sol otansúıgishtik tárbıeni bergen. Jastar – sizder bolashaqtyń máń­gilik qozǵaýshysy, úlken kúshsizder. Oǵan dálel – el namysyn baıraqty báse­keler men dúbirli dodalarda qorǵap, kún astynda qyrany qalyqtaǵan kók Týymyzdy bıikten jebiretip júrgen jas jerlesterimizdiń jetistikteri. Qazaqstan halqynyń ár besinshi azamaty 14-ten 29 jas aralyǵyndaǵy el jastary sanalady. Memleket basshysy Qasym-Jomart Toqaev: «Qazaqstanyń bolashaǵy sanaly ári talapty urpaqtyń qolynda» degen bolatyn. Jastarymyzdyń damýyna memleket tarapynan barlyq múmkindik pen jaǵdaı jasalyp jatyr. Olardyń ál-aýqatyn jaqsartý men bolashaqqa senimin arttyrý – el Prezıdenti júrgizip jatqan jastar saıasatynyń basty baǵyty», dedi Serik Egizbaev.

Sondaı-aq elorda ákimi Altaı Kól­ginov, Nursultan Nazarbaev qory atqa­rý­shy dırektorynyń orynbasary Ál­keı Marǵulanuly, «Halyqaralyq baǵ­dar­lamalar ortalyǵy» AQ dırektory Aınur Karbozova, halyqaralyq jas­tar uıymdarynyń basshylary jıynǵa jınal­ǵan jastardy quttyqtap, ıgi tilek­terin bil­dirdi.