Sarmat jaýyngerleriniń súıegi

– Bizdiń ýnıversıtettegi H.Ta­byl­dıev atyndaǵy Kaspıı óńiriniń tarıhy, arheologııasy jáne etnologııasy ǵylymı-zertteý ınstıtýtynyń úsh ǵylymı jetekshisi men 20 stýdenti Muqyr aýyldyq okrýgine qarasty Qa­raqudyq ýchastigindegi qorǵandarǵa qazba jumysyn júrgizdi. Qazba ju­mysy kezinde tarıhı jádigerlerge keziktik. Munda sarmat dáýirine jatatyn jaýyngerlerdiń súıegi tabyldy, – deıdi atalǵan ǵylymı-zertteý ınstıtýtynyń dırektory, tarıh ǵy­­lymdarynyń doktory Saıfolla Sapanov.

Onyń málimetinshe, bir qorǵannan úsh jaýyngerdiń biriniń tusynan qarý-jaraqtary men eki myń jyl burynǵy qumyra, tórt qoıdyń súıegi tabylyp otyr. Qorǵanda naıza, beldikte pyshaq, bir qorap jebe bolǵan.

– Arheologııalyq ekspedısııanyń birinshi kezeńinde bir qorǵannan osyndaı jádigerlerdi taptyq. Bir qor­ǵanda úsh adamnyń jerlenýi arheologııada sırek kezdesedi. Muny biz sarmat dáýirindegi jaýyngerler degen tujyrym jasadyq. Bir ja­ýyngerdiń oń qolynyń bilekten ke­sil­genine qaraǵanda, soǵysta qaza tabýy múmkin. Qolbasshy bolǵan shyǵar. Sol sebepten, endi jaýyngerlerdiń súıe­gine antropologııalyq zertteý júr­giziledi, – deıdi arheologııalyq ekspedısııa jetekshisi Saıfolla Sapanov.

Ekspedısııa jetekshisiniń pikirine súıensek, endi arheologııalyq ekspe­dı­sııanyń ekinshi kezeńine arheologter tartylmaq. Onyń arasynda ha­lyqaralyq arheologter de bar.

– Sondaı arheologtyń biri – B.Go­rodıvıkov atyndaǵy Qalmaq mem­lekettik ýnıversıtetiniń profes­so­ry, tarıh ǵylymdarynyń dokto­ry Petr Kolsov. Jaqynda bul ǵa­lym bizdiń ekspedısııa quramyna qo­sylyp, qorǵannan tabylǵan sarmat dá­ýirindegi jaýyngerlerdiń súıegine, ózge jádigerlerge ǵylymı-zertteý, tal­­daý júrgizedi, – degen oıymen bó­listi S.Sapanov.

Atyraý oblysy