Shaıbaly hokkeıden álem chempıonatynda Kanada quramasy 27-márte chempıon atandy, dep habarlaıdy Egemen.kz.
Fınalda Fınlıandııa men Kanada quramalary kezdesti. Oıynnyń 8-mınýtynda fınlıandııadyq hokkeıshi Mıkael Rýohomaa mergendik kórsetse, 24-mınýtta kanadalyq Maks Komtýa kózdegen nysanadan múlt ketken joq. Al 45-mınýtta Petterı Lındbom Fınlıandııa quramasy taǵy da alǵa shyǵardy. Kanadalyq Adam Henrık 52-mınýtta tarazy basyn teńestirip, oıyn overtaımǵa ulasty. Oıynnyń 66-mınýtynda kanadalyq Nık Pol jeńis shaıbasyn soqty.
Osylaısha Kanada óziniń tarıhynda 27-márte altynnan alqa taqty. Budan buryn kanadalyq hokkeıshiler mundaı ataqqa 2016 jyly qol jetkizgen edi.
Aıta keteıik, búgin úshinshi oryn úshin saıysta AQSh quramasy Germanııadan 6:1 esebimen basym tústi.