О́ńirlik kommýnıkasııalar qyzmeti alańynda ál-Farabı atyndaǵy Qazaq ulttyq ýnıversıtetiniń Basqarma Tóraǵasy – rektor Janseıit Túımebaev onlaın rejimde brıfıng ótkizdi.
Elimizdegi jetekshi ýnıversıtettiń 2020-2022 jyldardaǵy basty nátıjeleri, jetistikteri jáne aldaǵy damý josparymen tanystyrǵan rektor J.Túımebaev «Ál-Farabı atyndaǵy QazUÝ – álemdegi 200-top úzdik JOO qataryna engen Qazaqstan men Ortalyq Azııadaǵy birden-bir ýnıversıtet», dep atap ótti. Búginde bilimniń qara shańyraǵy QS jahandyq reı- tıngte 165-orynda tursa, ulttyq reıtıngterde de kósh basynda keledi. Rektor atap ótkendeı, osy oraıda bilim jáne ǵylym salasyndaǵy orny aıryqsha oqý ornynyń 2021-2025 jyldarǵa arnalǵan negizgi basymdyqtary keńinen talqylanyp, elimizdegi strategııalyq mindetterdi sheshýge, ári qaraı damytýǵa baılanysty keshendi jobalar júzege asýda.
Ýnıversıtet memlekettik jáne halyqaralyq strategııalyq mindetterdi sheshýde aıtarlyqtaı áleýetke ıe. Alys jáne jaqyn shetelderdiń jetekshi ýnıversıtetterimen birlesip ázirlengen 500-den astam bilim berý baǵdarlamalarynyń mańyzy zor.
Búginde iske asyp jatqan jobalardyń jalpy bıýdjeti 7,7 mlrd teńgeden asady. Ǵylymı maqalalar boıynsha kóshbasshy oqý ornynyń reıtıngtik basylymdardaǵy árbir besinshi qazaqstandyq jarııalanymy QazUÝ ǵalymdaryna tıesili deıtin bolsaq, byltyr ýnıversıtettiń bedeldi Web of Scinece derekter qorynyń «Ǵylym kóshbasshysy» syılyǵynyń úsh atalymyna ıe bolǵanyn zor maqtanyshpen atap ótýge bolady.
QazUÝ ǵalymdary COVID-19 indetiniń aldyn alýǵa baǵyttalǵan jobalarǵa da belsendi atsalysyp keledi. Ortalyq Azııa óńirindegi alǵashqy ókildik bolyp tabylatyn brıtandyq AVEVA Group plc kompanııasymen birlesken Injenerlik jobalaý ortalyǵynyń qurylýy da ýnıversıtet mamandarymen júzege asqan nátıjeli jobalardyń biregeıi. Búginde jahandyq trendterdi eskere otyryp qolǵa alynǵan jańa baǵdarlamalar qatarynda neıroǵylym, kreatıvti ındýstrııa, sıfrly ekonomıka, ekologııalyq ınjınırıng, medıakommýnıkasııa, derekter týraly ǵylym, sıfrly muraǵattaný jáne qujattaný, basqarýdyń ıntellektýaldy júıeler, nanomaterıaldar jáne nanohımııa bar.
Stýdentterge áleýmettik qoldaý – oqý ornyndaǵy basty basymdyqtardyń biri. Qazirgi tańda bir myńnan astam áleýmettik osal sanattaǵy oqý ozattary men jaqsy oqıtyn stýdentterdiń oqý aqysyna 10-nan 25 paıyzǵa deıin jeńildik qarastyrylyp otyr. 50-den astam uıymdar men kompanııalar demeýshiler qatarynda atalady. Kadrlyq áleýetti damytý maqsatynda bıylǵy jyldyń naýryz aıynan bastap oqytýshylar men qyzmetkerlerdiń jalaqysy 20 paıyzǵa ósken. Oqytýshylardyń mártebesi jáne oqý ornynyń damýyna qosqan úlesin arttyrýmen qatar olardyń halyqaralyq qaýymdastyqqa enýine de aıryqsha kóńil bólingen.
Memleket basshysynyń bastamasy boıynsha Bilim jáne ǵylym mınıstrligi jyl saıyn 500 qazaqstandyq ǵalym sheteldik taǵylymdamadan ótetin bolady. Osy oraıda ýnıversıtetke halyqaralyq deńgeıdegi ǵalymdar, AQSh jáne Eýropanyń joǵary oqý oryndarynda, onyń ishinde Kembrıdjde sabaq berý tájirıbesi bar Ýalbaı О́mirbaev jáne Bazbek Dáýletov syndy professorlar tartylǵandyǵyn erekshe atap ótýge bolady. Ýnıversıtettiń 400-den astam oqytýshysy «JOO-nyń úzdik oqytýshysy» grantynyń ıegeri atansa, bul eldegi granttar jalpy sanynyń 20 paıyzyn quraıdy.
Qazirgi ýaqytta ýnıversıtet mamandary karantındik sharalardy eskere otyryp, el Táýelsizdiginiń 30 jyldyǵyna arnalǵan aýqymdy respýblıkalyq jáne halyqaralyq is-sharalardy ótkizip keledi. Jaqynda kórnekti aqyn Oljas Súleımenovtiń 85 jyldyq mereıtoıyna arnalǵan halyqaralyq onlaın-konferensııa uıymdastyrylsa, Saıası qýǵyn-súrgin qurbandaryn eske alý kúnine arnap «QR memlekettik táýelsizdigi qalyptasýynyń saıası-quqyqtyq jáne ekonomıkalyq máseleleri: tarıh jáne qazirgi zaman» taqyrybynda halyqaralyq ǵylymı-tájirıbelik konferensııa ótkizdi. Táýelsizdiktiń 30 jyldyǵyna oraı «Elbasy saıabaǵy» ashylyp, Tuńǵysh Prezıdent – Elbasy Nursultan Nazarbaevtyń qurmetine boı túzegen jemis baǵynda 300-ge jýyq alma, shıe, órik aǵashtary otyrǵyzyldy. Al Ulystyń uly kúni qalashyqta «Aǵashtar alleıasy» ashylyp, onda ujym bolyp 300-den astam qyrym qaraǵaıy men altaı shyrshasyn otyrǵyzyp, ǵylym qyzmetkerleri kúnine oraı Sıvers almasynyń 100-ge jýyq kósheti egilgen baqqa «Ǵalymdar baǵy» ataýy berildi.
Osylaısha, bilim men ǵylymdy ushtastyryp otyrǵan bilim ordasy aldaǵy ýaqytta da sapaly bilim men tárbıe berý baǵytyndaǵy mańyzdy da mazmundy jobalaryn júzege asyra beretin bolady.
ALMATY