Dári-dármek qory jetkilikti

Biryńǵaı dıstrıbıýtor 2019­ jyly ambýlatorııalyq dári-dár­mekpen qamtamasyz etý sheń­berinde 45 nozologııa boıynsha (TMKKK sheńberinde) dári-dár­mek satyp aldy. Bul 114 mlrd teń­geden astam somany qurady. Al 2020 jylǵy 1 qańtardan bas­tap MÁMS sheńberinde 27,2 mlrd teńge somasyna 105 jáne 130,3 mlrd teńge somasyna 32 nozologııa engizildi. Osylaısha, TMKKK jáne MÁMS sheńberinde nozologııalardy qamtý 3 esege keńeıtildi.

«TMKKK jáne MÁMS júıe­si sheńberinde 2021 jyly dári­lik zattar men medısınalyq buıym­dardyń 1 439 túri satyp alynady. Onyń ishinde biryńǵaı dıstrıbıýtor tizimindegi barlyq pozısııa sta­sıonarlyq kómek kórsetýge ar­nalǵan. Biryńǵaı dıstrıbıýtor ambýlatorııalyq dári-dármekpen qamtamasyz etý úshin 2 mln-nan asa qazaqstandyqty tegin dári-dármekpen qamtamasyz etý úshin 662 túrin satyp alady. Jalpy, 2020 jyldyń 1 qańtarynan bastap MÁMS engizilýimen 700 myńǵa jýyq saqtandyrylǵan turǵyndy ambýlatorııalyq deńgeıde tegin dári-dármekpen qamtamasyz etýge qol jetkizildi», dedi E.Esqalıev.

«SQ-Farmasııa» dári-dármek jet­kizýmen baılanysty máse­le­ler­di sheship, Biryńǵaı dıstrı­bıýtordyń qoımalarynda eki aı­lyq azaımaıtyn qordy qam­tama­syz etti.

«Densaýlyq saqtaý mınıstrligi 6,4 mlrd teńge somaǵa COVID-19 aýrýynan emdeý úshin azaımaıtyn qordaǵy dárilerdiń 38 pozısııasyn bekitti. Osy pozısııalar boıynsha kólem 60 myń pasıentti emdeýmen qamtýǵa múmkindik beredi. Medısınalyq uıymdarda da dári-dármek jetkilikti. О́tken jyldan bastap elimizdiń medısınalyq uıymdaryna COVID-19 aýrýyn emdeý hattamasyna sáıkes dári-dármek úzdiksiz jóneltilýde, bul – 91 pozısııa. Osy ataýlar boıynsha qaldyq jyl basynda 9,1 mlrd teńgeni qurady. 2021 jyldyń basynan bastap aýrýhanalarǵa 8,7 mlrd teńgege dári-dármek jiberildi. Ambýlatorııalyq dári-dármekpen qamtamasyz etýdiń tiz­besi 5 ataýǵa («Parasetamol» jáne «Ibýprofen» ystyqty túsiretin preparattar, antıkoagýlıanttar) keńeıtildi. 2021 jylǵy kezeńde respýblıka emhanalaryna 2 mlrd teńgege atalǵan dári-dármekter jóneltildi. Sonymen qatar tur­ǵyndarǵa resept boıynsha 500 mln teńgeniń dári-dármegi berildi», dedi «SQ-Farmasııa» basshysy.

Sondaı-aq ol koronavırýsqa qar­sy vaksınanyń tórt túrin tań­daý múmkindigi bar ekenin eske sal­dy. «Spýtnık-V» vaksına­sy­nyń 10 mln 280 myń dozasy satyp alyndy. Onyń ishinde bıyl 1 aqpannan bastap óńirlerge birinshi komponenttiń 1,9 mln dozasy jáne ekinshi komponenttiń 14 mln dozasy jóneltildi. 10 maýsymǵa deıin birinshi komponenttiń 1 mln 200 myń dozasyn jáne ekinshi komponenttiń 525 myń dozasyn jóneltý aıaqtalady.

QazVac vaksınasynyń 2 mln dozasy satyp alyndy. О́ńirlerge otandyq vaksınanyń 100 myń dozasy jetkizildi. Kelesi jetkizilim maý­sym aıynyń sońyna deıin josparlanǵan. Hayat-Vax-tyń­ 1 mln dozasy satyp alyndy jáne óńirlerge jóneltildi. Bu­dan basqa, Sinovac Biotech kom­panııa­sy óndiretin Coronavac vak­sınasynyń 500 myń dozasy satyp alyndy. О́ńirlerge 12 maýsymnan keıin jóneltiledi.

E.Esqalıevtiń málimetinshe, búginde óńirlerge COVID-19 vak­­­sı­nasynyń 4 mln 400 dozasy jetkizilgen. Vaksınalardy aımaqtarǵa bólý Densaýlyq saq­taý mınıstrligi sanıtarlyq-epı­demıologııalyq baqylaý komı­tetiniń tapsyrysy boıynsha jú­zege asyrylady.