Almatyda «Kelimsek» is-sharasy kezinde aýyr qylmys jasaǵany úshin izdeýde júrgen Tájikstan azamaty ustaldy. Ol kámeletke tolmaǵan balany qorlady degen kúdikpen izdeýde júrgen, dep habarlaıdy Egemen.kz qalalyq kóshi-qon qyzmetine silteme jasap.
«Jedel-izdestirý is-sharalaryn júrgizý kezinde qalalyq krımınaldyq polısııa qyzmetkerleri bizdiń bólimniń ókilderimen birge Tájikstan Respýblıkasynyń azamaty, Gıssar qalasynyń turǵyny - 1995 jyly týǵan M. esimdi azamatty ustady. Er adam 2017 jyldan beri Gıssar aýdandyq IIMO-men Tájikstan Respýblıkasynyń QK-niń 141-baby 2-bóligi - kámeletke tolmaǵandardy qorlaý boıynsha qylmys jasaǵany úshin izdestirilip jatqany anyqtaldy. Ustalǵan adamdy ekstradısııalaý máselesi halyqaralyq sharttarǵa sáıkes sheshiledi», dedi Almaty qalalyq Polısııa departamenti kóshi-qon qyzmeti basqarmasynyń bastyǵy Ashat Býtýnchınov.