Qazaqstan óńirlerindegi epıdemııalyq ahýaldy baǵalaý kórsetkishi boıynsha «jasyl aımaqty» aýystyrmaı, indetti jeńý maqsatynda turǵyndary barlyq talapty oryndaýǵa tyrysyp jatqan Túrkistan oblysynda koronavırýsqa qarsy vaksınalaý qarqyndy júrgizilýde. Oblysta 234 myńnan astam adam ekpe qabyldaýǵa nıet bildirgen. Ekinshi komponentpen 83 myńǵa jýyq adam saldyrǵan.
Búginde óńirde 128 ekpe saldyrý pýnkti jumys isteıdi. Sondaı-aq kóshpeli egý brıgadalardyń sany – 80-ge jetti. Medısınalyq uıymdardaǵy dárilik zattar qory 60 kúnge, arnaıy qorǵanysh quraldary 55 kúnge jetedi. О́ńirde dári tapshylyǵy baıqalmaıdy. Aqpan aıynan bastap jalpy 207 100 vaksına, mamyr aıynda «Hayat-Vax» vaksınasynyń 43 myń dozasy jetkizildi. Jalpy óńirde pandemııa beleń alǵaly 766 myńnan astam azamattan PTR-synamalary alynǵan. Oblys boıynsha 1 200 ınfeksııalyq jáne 300 karantındik jáne 188 reanımasııalyq tósektik oryn uıymdastyrylǵan. «Túrkistan oblysynda pandemııa bastalǵannan beri COVID-19 indetimen tirkelgen jaǵdaılar sany 6 356 bolsa, jazylyp shyqqandar sany – 5 910. Koronavırýs ınfeksııasynyń ártúrli ssenarıine baılanysty ınfeksııalyq tósek-oryn sanyn 5 610-ǵa deıin ulǵaıtýǵa múmkindik bar», deıdi oblystyq qoǵamdyq densaýlyq basqarmasynyń basshysy Marat Pashımov.
Ekpe salýdyń mańyzyn baǵamdaǵan jurt erteńgi kúnniń qamyn da eskerýde. Iаǵnı saqtandyrý júıesine de senim artýshylar qatary artqan. Oblystyń 1,6 mln turǵyny medısınalyq saqtandyrý júıesiniń qatysýshysy. Júıede áli kúnge deıin saqtandyrylmaǵan 400 myńǵa jýyq adam aqysyz qyzmetterden tys qalyp otyr. Saqtandyrylmaǵandardyń kópshiligi turaqsyz tóleýshiler. Iаǵnı olar úshin qandaı da bir aýdarymdar jáne jarnalar turaqty túspeıdi, ne bolmasa tólem durys júrgizilmegen. Sonyń saldarynan júıede qaryzy qordalanyp, mártebesinen aıyrylady. Demek, tólemderdiń júıeliligin saqtaý mańyzdy. «Júıege qatysatyndardyń ishinde 15 jeńildetilgen sanattar memleket tarapynan qamtamasyz etilgen. Alaıda aqparattyq júıelerde atalǵan sanattardyń áleýmettik mártebeleri anyqtalmaǵandyqtan saqtandyrylý quqyǵynan aıyrylyp qalyp otyr. Osy rette, jeńildetilgen sanatqa jatatyn azamattar tirkelgen emhanasyna baryp áleýmettik mártebelerin anyqtaǵandary jón», deıdi «Áleýmettik medısınalyq saqtandyrý qory» KeAQ Túrkistan oblysy boıynsha fılıalynyń dırektory A.Beısenbaev.
Jyl basynan beri «Qoldau 24/7» mobıldi qosymshasynda 174 shaǵyn jáne orta bıznes qyzmetkerine, 3 380 jeńildetilgen sanattaǵy turǵyndarǵa ýaqytsha mártebe berilgen. Bul mártebe olarǵa rastaıtyn qujattardy usynýǵa jáne jeńildik sanatyna oralýǵa múmkindik beredi. Sodan keıin olar úshin MÁMS jarnalaryn memleket tóleıdi.
Sondaı-aq óńirdiń densaýlyq saqtaý salasynda jańa nysandardyń salynyp, zamanaýı qondyrǵylarmen jabdyqtalýyn jurt búginmen shektelmeı erteńdi oılaǵan áreketke balaýda. Túrkistan qalasynda salynyp jatqan, jalpy aýmaǵy 16 gektar 8 qabatty kópsalaly, 570 tósektik orynǵa shaqtalǵan, zamanaýı emdeý kesheni elimizdegi eń iri 20 aýrýhananyń alǵashqysy bolmaq. Investısııalyq jobany Densaýlyq saqtaý mınıstrligi arqyly memleket-jekemenshik áriptestik aıasynda «YDA Group» túrik ınvestory júzege asyrýda. Nysannyń quny 188 mlrd teńgeden asady. Aldyńǵy jyly bastalǵan qurylysty 2022 jylǵa qaraı aıaqtaý josparlanýda. Álemdik standarttarǵa saı salynyp jatqan aýrýhana tolyq paıdalanýǵa berilgennen keıin 2 myńnan astam medısına qyzmetkeri turaqty jumyspen qamtylady. Jobaǵa sáıkes, munda 13 beıindi bólimshe, sondaı-aq júrek-qantamyr jáne koronarlyq reanımasııa, gematologııa, onyń ishinde kúıikpen emdeýdiń 2 qarqyndy terapııasy (ICU) tósegi jumys isteıtin bolady. Budan basqa kópsalaly aýrýhana qabyrǵalarynda – 16, onyń ishinde 13 josparly jáne 3 shuǵyl kómek kórsetiletin operasııalyq bólme bar. Sondaı-aq Túrkistandaǵy 200 tósek orynǵa arnalǵan juqpaly aýrýlar aýrýhanasynyń jobalaý smetalyq qujattamasy ázirlenip, memlekettik saraptamadan ótkizilýde. Memlekettik saraptamanyń qorytyndysyn tamyz aıynda alý josparlanýda. Aýysymda 500 adam qabyldaıtyn 3 emhana, jedel medısınalyq járdem stansasy, Ana men bala ortalyǵy salynady. Iаǵnı oblys ortalyǵy 2018 jyly Shymkent qalasynan Túrkistanǵa kóshirilýine baılanysty, jańa medısınalyq ortalyqtar, aýrýhana men emhanalar salý máselesi basty nazarǵa alynyp, qarqyndy jumystar atqarylyp keledi.
«Sıfrly Qazaqstan» memlekettik baǵdarlamasy aıasynda Túrkistan oblysy boıynsha medısınalyq uıymdar «Damýmed» medısınalyq aqparattyq júıesimen jumys atqarýda. «Qazirgi tańda oblys turǵyndarynyń túgeli elektrondyq pasportpen qamtylyp, dárigerdiń qabyldaýyna aldyn ala jazylý, dárigerdi úıge shaqyrý boıynsha elektrondy túrde qyzmet atqarylýda. Zaman talabyna saı medısınalyq uıymdarǵa sıfrlyq rentgender, eksperttik ÝZI, vıdeoendoskopııalyq apparattar satyp alynyp ota jasaýǵa oń yqpalyn tıgizýde. Medısınalyq uıymdarǵa sıfrly medısınalyq aqparattardy, beınelerdi óńdeý, saqtaý jáne berý boıynsha 7 medısınalyq uıym PACS júıesine qosylǵan jáne júıege engizý jumystary júrgizilýde. О́kpeni jasandy jeldetý apparaty 178-den 368-ge deıin artty jáne jedel-járdem qyzmetine 122 avtokólik jetkizildi. Sonymen qatar 12 jyljymaly medısınalyq keshen jıyntyǵy satyp alynyp, aýdandardy qamtamasyz etý kórsetkishi 100% boldy. Bıyl oblystyq bıýdjet esebinen 2 kompıýterlik tomografııa alý josparlanýda», deıdi M.Pashımov.
Osyndaı jáne dárigerlerdiń biliktiligin jetildirý, turǵyndarǵa túsindirme jumystaryn júrgizý syndy basqa da aýqymdy sharalardyń septigi tıgen de bolar, óńirde indet juqtyrýshylar sany azaıa túsýde. Mysaly, ótken táýlikte 8 adamda COVID-19 indeti anyqtaldy.
Túrkistan oblysy