Múgedektigi bar adamdardy áleýmettik qoldaý jáne jumysqa ornalastyrý úshin óńirlerde «TenQogam» ortalyqtary ashylady. Bul týraly halyqqa esep berý kezdesýinde QR Eńbek jáne halyqty áleýmettik qorǵaý mınıstri Serik Shápkenov aıtty, dep habarlaıdy Egemen.kz.
«2020 jyly múgedektigi bar adamdarǵa arnalǵan Kásipter atlasy jasaldy jáne olardy jumysqa ornalastyrý kezinde, onyń ishinde enbek.kz portalynda jumys izdeýdi jaqsartý úshin paıdalanýǵa bolady. Múgedektigi bar adamdardy áleýmettik qoldaý jáne jumysqa ornalastyrý úshin barlyq óńirde «TenQogam» ortalyqtaryn ashý josparlanǵan. Nur-Sultan men Almatyda mundaı ortalyqtar psıhologııalyq jáne quqyqtyq kómek, jumysqa ornalasýǵa járdem kórsete otyryp, tabysty jumys isteýde», dep atap ótti mınıstr.
Mınıstrdiń aıtýynsha, qazirgi ýaqytta áleýmettik qyzmet kórsetý sapasyn arttyrý maqsatynda Áleýmettik qyzmetti odan ári jańǵyrtý jónindegi ulttyq jospar ázirlendi jáne jaqyn arada qabyldanady.