Tegis jol tegin emes

Alys jolǵa qatynaıtyn júr­gi­zý­shiler aqyly júıege narazy­ly­ǵyn bil­dirse de «QazAvtoJol» UK» AQ «jol­men kim kóp júredi, sol onyń kútip-baptaýyna da aqy tóleıdi» degen qaǵıdany berik ustanǵan tárizdi. Olar­dyń málimetinshe, jańadan iske qosylatyn aqyly ýchaskelerdiń tólemi buryn paıdalanýǵa berilgen tórt aqyly jol: Nur-Sultan – Shýche, Nur-Sultan – Temirtaý, Almaty – Qapshaǵaı, Almaty – Qorǵas avtomagıstraliniń tólemaqysyna sáıkes esepteledi. Qazirgi tólem mól­sher­­lemeleri 2013 jyly engizilip, sodan beri ózgermegen kórinedi. Alda­ǵy ýaqytta tarıfti qym­bat­tatý da oıda joq.

Sonymen, aqyly joldarmen júre­tin júrgizýshilerden qansha aqsha us­ta­la­dy? Bul jerde tólemaqy kólik­ter­diń túrine baılanysty. Aıtalyq, jeńil kó­likter úshin joldyń 1 shaqy­ry­my – 1 teńge. Eger kólik sol aqyly ýchas­ke­niń aýmaǵynda tirkelgen bolsa, onda avtokólik ıelerine quny 1 myń teńgeni quraıtyn bir jyldyq abonement bar. Avtobýstarǵa bólek tarıf qarastyrylǵan. Ol jolaýshylar otyratyn oryn sanyna qaraı esepte­le­di: 1 shaqyrymy – 5 teńgeden 15 teń­­ge­g­e deıin. Alaıda qalaaralyq jáne jer­gi­likti reıstik avtobýstar tólema­­qy­dan bosatylǵan. Al júk kó­lik­­te­ri­ne arnalǵan tarıf onyń júk kó­ter­gish­­ti­gine baılanysty 1 shaqy­ry­my 5 teń­ge­den 25 teńge aralyǵyn quraıdy.

Baspasóz habarlamasynda joldar­dyń aqyly bolýyna baılanysty jol boıyndaǵy ınfraqurylym da jan­danatyny aıtylǵan. «Bul servıs­tik qyzmetter júrgizýshiler men jolaý­shy­lardyń qolaılylyǵy úshin salynady. Ýchaskelerde demalys alańdary, turaqtar, qonaqúıler, sýpermarket­ter, dárethanalar, dárihanalar paı­­da bolmaq», delingen baspasóz málime­tin­de.

2024 jylǵa deıin respýblıkalyq mańyzy bar avtojoldar men aqyly ýchaskelerdiń boıynda 134 keshen salý úshin GasEnergy, «QazTransGaz», Compass, Sinooil, PetroRetail men «M-36» jelilik janar-jaǵarmaı quıý beketterimen kelisimder jasalyp­ty.

Eske sala ketsek, bıyl «Batys Eýropa – Batys Qytaı» (Qaınar – Taraz, Taraz – Shymkent, Shymkent – Qyzylorda, Shymkent – Tashkent), Shýche – Kókshetaý, Qapshaǵaı – Taldyqorǵan (Taldyqorǵan qala­sy­nyń aınalma joly), Nur-Sultan – Pavlo­dar, Aqtaý – Jetibaı – Jańaózen jáne Nur-Sultan, Qaraǵandy, Pavlo­dar qalalarynyń aınalma joldary aqyly bolady.

Qazirgi tańda arnaıy jumys toby atal­ǵan ýchaskelerge qyzmettik saparlar uıymdastyryp, olardyń sapa­­syn tekserip jatyr. Al jol aqy­sy ýchas­ke­niń jaǵdaıy tehnıkalyq sanat­qa tolyq saı kelgende ǵana alynady.